Nga datat 5-9 shkurt do të zhvillohet në Shkodër dhe më konkretisht në pallatin e sportit ‘Qazim Dervishi’ kampionati Europian i Futsallës për Priftërinj ku marrin pjesë 17 vende. Në prag të nisjes së këtij Europiani, i 16 në histori, u mbajt një meshë e shenjtë e zhvilluar në Katedralen Shën Shtjefnit të Shkodrës.
Në këtë meshë të shenjtë të udhëhequr nga Shkëlqesia e tij Imzot Angelo Massafra, arqipeshkëv metropolit dhe President i Konferencës Ipeshkvnore, mori pjesë edhe presidenti i FSHF-së Armand Duka, i cili mbajti një fjalë përshëndetëse.
“Së pari jam i lumtur, si gjithmonë kur vij në Shkodër, e aq më tepër që ndodhem në mes jush. Dhe jo pa shkak. Jo vetëm unë, por i gjithë komuniteti i futbollit shqiptar, i është mirënjohës religjionit tuaj. Sepse pikërisht këtu në Shkodër, u ndez shkëndija e parë e vullkanit – futboll. Kjo ndodhi gati 120 vjet më parë, në fillimet e shekullit të kaluar, kur një prift i ardhur nga Malta, mbërriti në kolegjin saverian dhe solli një top të vërtetë futbolli, bashkë me rregulloren e lojës. Që atëherë, futbolli u përhap si epidemi, jo vetëm në Shkodër, por në të gjithë Shqipërinë.
Ju nesër do të nisni një aktivitet të ri futbollistik. Kjo lidhje me futbollin, nuk është një gjë e re për ju, teksa kampionatin e parë e keni zhvilluar në vitin 2006. Personalisht u gëzova shumë kur mësova, se këtë vit Kampionati i XVI Europian i Futsal mes priftërinjve do të zhvillohej në Shkodër. Në emrin dhe të gjithë komunitetit të futbollit dua t’ju uroj mirëseardhjen në Shqipëri të 17 skuadrave pjesëmarrëse.
Ky nuk është thjesht dhe vetëm një turne sportiv, nuk është thjeshtë një garë, por njëkohësisht edhe një mundësi e shkëlqyer për të shkëmbyer eksperiencat dhe për të ndarë me njëri-tjetrin përvojat kulturore, fetare, traditat dhe vlerat më të mira që çdo vend përfaqëson. Ju garantoj se, ashtu si edhe deri më tani, do të keni mbështetjen e institucionit të futbollit shqiptar në çdo hapin tuajin.”
Pjesmarrëse në këtë kampionat Europian janë Kroacia, Italia, Çekia, Bjellorusia, Mali i Zi, Sllovakia, Rumania, Hungaria, Serbia, Kazakistani, Portugalia, Austria, Sllovenia, Kosova, Polonia dhe Bosnja.
Lajme të tjera
-
Incidenti me flamurin në Çeki, Shakohoxha akuzon drejtuesit e FSHF-së: Rrinin si bufa në tribunë dhe nuk reaguan
16 Tetor, 13:55 -
Igli Tare sulmon ashpër Armand Dukën, për bashkëpunimin me Serbinë dhe lejimin pa kriter të lojtarëve të huaj në Superiore
16 Tetor, 12:11 -
'Dardanët' sulmojnë Armand Dukën: Vëllau vëllaun nuk e lëndon, me hasëm shekullor marrëveshje nuk bën
16 Tetor, 08:57 -
FOTOLAJM/ Pas humbjes turpëruese me Çekinë, FSHF bllokon komentet ndaj tifozëve të kombëtares
12 Tetor, 16:23 -
Precedentët/ Racizmi çek dhe përdhosja e simboleve kombëtare në Pragë, pse Armand Duka dhe FSHF nuk e tërhoqën ekipin?
12 Tetor, 10:19 -
FOTOLAJM/ 'Duka Klysh i shkive!' Banderola në stadium gjatë ndeshjes Çeki - Shqipëri kundër bashkëorganizimit të evropianit ‘Shqipëri-Serbi’ U-21
12 Tetor, 07:29 -
Futbolli shqiptar në zi, ndahet nga jeta legjenda e futbollit Sefedin Braho
6 Tetor, 13:46 -
Shqipëria e Serbia kandidate për organizimin e EURO U-21, Prodani në Report Tv: Interes dhe servilizëm i Armand Dukës, veprim i gabuar
2 Tetor, 19:42 -
Kërcënoi Armand Dukën që t’ia bënte djalin pjesë të kombëtares, lirohet nga qelia Presidenti KF Iliria
18 Shtator, 20:30 -
Durrës/ Kërcënoi Armand Dukën që t’ia bënte djalin pjesë të kombëtares, lihet në burg presidenti i KF Iliria: E kam mik, ndodhi nga gjaknxehtësia! Lirohen nga qelia djemtë
4 Shtator, 11:32
-
'Më merr djalin në Kombëtaren A'! Arrestohet presidenti i KF Iliria, kërcënoi në banesë kreun e FSHF-së Armand Duka! Në pranga dhe 2 djemtë e tij futbollistë
31 Gusht, 18:29 -
Armand Duka: Europiani më i fortë se Botërori, Shqipëria ka në ekip një fenomen
16 Korrik, 15:58
