POP 5

Lajmet më të lexuara të 5 minutave të fundit

Sport

Kampione e dimrit, kapiteni Dita rrëfen Dinamon për Report TV: S’fshihemi për titullin, ‘Final-4’ i çuditshëm

Kapiteni i Dinamos Bruno Dita thotë se çelësi i suksesit për ta mbyllur 2024 si kampion të dimrit është trajneri Ilir Daja, por edhe cilësitë që ka skuadra. Mesfushori i përshtatur në mbrojtës pohon gjithashtu se formula ‘final-four’ është e çuditshme pasi jo gjithmonë nxjerr fituese skuadrën që meriton.

Dinamo, që sezonin e nisi me jo pak vështirësi, 2024 e mbylli si kampione e dimrit në Superligë. Kapiteni i ‘nëndetesës’ Bruno Dita, për Report TV tregon sesi ia doli skuadra të mblidhte 34 pikë pas 19 javësh kampionat.

“E nisëm keq, por me kalimin e javëve dhe ardhjen e profesor Dajës gjërat ndryshuan. Lojë nuk kishim si në këto ndeshjet e fundit, por po merrnim pikët. Me kalimin e kohës u rrit edhe vetëbesimi tek njëri-tjetri,”-u shpreh fillimisht kapiteni i Dinamos.

Bruno Dita është nga lojtarët e fundit te afruar te Dinamo gjatë merkatos së verës, por nuk nguron ta pranojë se synimi është që edhe në fund të jenë kampionët.

“Nuk i fshihemi synimit të titullit, por ia lëmë kohës se unë them me bindje që Dinamo nuk është akoma te 100% saj. Akoma kemi më shumë për të berë,”-tha ai.

Kapiteni i ‘nëndetëses’ e shprehu hapur pakënaqësinë për formulën e kampionatit me ‘finalen me 4 skuadra’. Sipas Bruno Ditës ka shumë gjasa që kampion të shpallet edhe ajo skuadër që nuk e meriton.

“Shumë e çudtishme sepse luan shumë mirë, shkëputesh me 10 pikë dhe vjen fundi një ndeshje është ajo. Mund të fitojë vendi i 4 që vetëm në javën e fundit mund të ketë arritur atë pozicion. Është pak e çuditshme,”-deklaroi Bruno Dita.

Dinamo do të rikthehet në aksion me 11 janar të 2025, teksa për llogari të javës së 20 të Superligës do të luajë kundër Bylisit në transfertë.

Ne.k./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46