Kandidati për kreun e PD, Kadilli takim me ambasadoren Kim: Zë i protestës kundër mënyrës si shkojnë gjërat edhe në PD! Biseduam për gjërat e mira të së ardhmes

Kur mbeten 10 ditë nga procesi zgjedhor brenda Partisë Demokratike një tjetër Kandidat për kryetar të kësja force politike ka zhvilluar një takim me ambasadoren e Shteteve të Bashkuara të Amerikës në Tiranë, Yuri Kim.  Fatbardh Kadilli njofton se në bisedën që u përqendrua te zhvillimet politike në PD dhe në vend ai i prezantoi ambasadores manifestin e tij politik. 

"Sot pata kënaqësinë të zhvilloja një takim të gjatë dhe të frytshëm me Ambasadoren e Shteteve të Bashkuara të Amerikës, zonjën Yuri Kim. Biseda u përqendrua te zhvillimet politike në PD dhe në vend. Jam i lumtur që shpreha në takimin me të dërguarën e vendit më demokratik në botë, dhe aleatit strategjik të Shqipërisë, një zë të protestës kundër mënyrës si shkojnë gjërat në Shqipëri por edhe në partinë time, siç edhe shpalosa Manifestin Politik, jo vetëm për demokratët, por edhe shoqërinë. Me zonjën Kim ndamë mendimin se Partia Demokratike është aset i pazëvendësueshëm dhe se, në fillesat e saj është dora e pamohueshme amerikane. Gjithashtu në takim nënvizuan faktin e pamohueshëm se Uashingtoni dhe Shqipëria, nën udhëheqjen e PD kanë punuar bashkë dhe bërë shumë gjëra të mira. Për gjërat e mira, për të ardhmen, por edhe ruajtjen e traditës dhe mësimeve të saj, ishte biseda sot. Si kandidat për kryetar i PD dhe si demokrat nuk mund të mos i shpreh mirënjohjen Ambasadores Kim dhe vendit të saj te i cili shohim jo vetëm partneritetin dhe miqësinë, por edhe misionin e përbashkët për një botë më të mirë dhe të ardhme më të sigurt. Zoti e bekoftë Shqipërinë! God bless United State of Amerika", shkruan Kadilli.

Kujtojmë se dy ditë më parë ishte kanddidati Agron Shehaj ai i cili u ftua për një bisedë nga ambasadorja amerikane Yuri Kim.

Në garë për kreun e PD-së që do të zhvillohet me 13 qershor, veç Kadilli dhe Shehajt, janë edhe kryetari aktual Lulzim Basha si dhe Edith Harxhi.

Lulzim Basha kërkon të vijojë të drejtojë Partinë Demokratike, edhe pse shumë nga demokratët janë zhgënjyer me humbjet e njëpasnjëshme të tij qoftë në betejat polikë qoftë në zgjedhjet lokale dhe parlamentare. Anëtari i Kryesisë së PD-së, Fatbardh Kadilli dhe Edith Harxhi e kanë cilësuar më herët garën si asimetrike, por ka garantuar se do të sfidojë kryetarin Basha me vlerat.

K.T./Shqiptarja.com

TAG:
• Tirane
• PD
• Fatbardh Kadilli
• zgjedhjet ne pd
• Yuri Kim