Kaosi i shkaktuar nga opozita, deputeti i PS: PD e ka model këtë sjellje politike! Boçi: Nëse duhet edhe me grushte do e fitojmë të drejtën

 

Deputeti i PS, Petro Koçi i ftuar në studion e "Frontline" ka debatuar me ish-deputetin e PD, Luçiano Boçi sa i takon aksionit të dhunshëm që opozita ka ndërmarrë në parlament dhe në komisione. Koçi tha se këtë situatë të shkaktuar, PD e ka model kryesor të sjelljes dhe se nuk ndodh për herë të parë.

Ndërsa Boçi tha se deputetët e PD janë dhunuar nga garda e Kuvendit dhe shtoi se nëse do të jetë e nevojshme opozita do ta fitojë edhe “me grushte”.

Pjesë nga debati në studio:

Petro Koçi: Ajo që përkon më shumë është kjo që PD këtë ka model kryesor të sjelljes politike. Nuk po ndodh për herë të parë.

Luçiano Boçi: Ke qenë vetë aty kur ke bërë zhurmë në parlament në 2006 dhe nuk të ka prekur njeri. Këta vendosën një gardist për deputet. Kjo është e turpshme. Garda është sjellë aty për të goditur deputetët e opozitës.

Petro Koçi: Po çfarë thua, çfarë janë këto ëndrra opozitare. Ju doni ta bëni përshesh. Doni ta bëni me grushta?

Luçiano Boçi: Nëse është nevoja edhe me grushte e fitojmë të drejtën tonë.

Petro Koçi: Kjo sjellje e opozitës shtron rrugën e mazhorancës për fitore në 2025-ën, ju vazhdoni bëni të njëjtën gjë.

Lajmi kryesor:

Kaosi në jetën parlamentare, Petro Koçi: Berisha kërkon të transferojë krizën, humbja e opozitës në 2025-ën, e sigurt! Boçi: Aksioni do jetë më i fortë

B.V/KT/Shqiptarja.com

TAG:
• petro koçi
• luçiano boçi