POP 5

Lajmet më të lexuara të 5 minutave të fundit

Politikë

Kaosi në kuvend, përjashtohen dhe 7 deputetë të Berishës e Bardhit! Të enjten opozita në kuvend 'e tkurrur', me 13 deputetë më pak (EMRAT)

Shtatë deputetë të opozitës janë përjashtuar nga parlamenti pasi udhëhoqën aksionin e kaosit të enjten e kaluar, duke çuar në 13, numrin e deputetëve që nuk do të mund të jenë pjesë e seancës së enjtes kur edhe do të kalojë marrëveshja me Italinë për emigrantët.

TIRANË- Trembëdhjetë deputetë të opozitës, protagonistët kryesorë të aksionit të koasit për më shumë se 2 muaj në parlament, nuk do të jenë pjesë e seancës së të enjtes, (14 dhjetor 2023) kur socialistët do të miratojnë marrëveshjen me Italinë për emigrantët.

Pas Sali Berishës, Gazment Bardhit dhe 4 të besuarve të tyre, këtë të hënë me kërkesë të PS, Sekretariati i Etikës, përjashtoi edhe 7 deputetë të tjerë.

Ervin Salianji, Bledion Nallbati, Asllan Dogjani, Lefter Gështenja, Isuf Çela, Xhelal Mziu, e Luan Baçi u përjashtuan me 10 ditë, pasi udhëhoqën kaosin javën e kaluar, kur parlamenti votonte buxhetin mes tymueseve e kapsollave.

“Sapo hynë në sallën e seancës plenare deputetët kanë tentuar ta shkatërrojnë atë. Ata kanë marrë karriget dhe i kanë hedhur me forcë me qëllim bllokimin e foltores duke dëmtuar ekranin ku shfaqet rendi i ditës. Deputetët janë konfliktuar fizikisht, duke shtyrë dhe goditur me karrige punonjësit e Gardës. Me fillimin e seancës plenare, deputetët përdorën flakadanë dhe kapsolla” thuhet në kërkesën e PS-së

Bashkë me 7 deputetët e përjashtuar këtë të hënë, për Gazment Bardhin Sali Berishën, Edi Palokën, Elda Hotin Flamur Nokën e Albana Vokshin në fuqi është përjashtimi i një jave më parë, i cili nuk lejon as në këtë seancë të jenë pjesë pasi ndëshkimi për ta, përfundon më 16 dhjetor.

Për grupin e deputetëve të dhunës, policia ka dërguar në SPAK padi, duke bërë që aksioni i tyre në parlament t’u rrezikojë deri në 5 vite burg.

Kërkesa është bërë për Ervin Salianjin, i cili ishte ai që udhëhoqi kaosin në kuvend, në mungesë të Bardhit dhe Bersishës, po ashtu të përjashtuar. Ndërkohë, PS kërkon përjashtimin edhe të Bledion Nallbatit, Asllan Dogjanit, Lefter Gështenjës, Isuf Çelajt, Luan Baçit e Xhelal Mziut.

Për herë të parë në histori, buxheti u miratua në seancën e 7 dhjetorit në më pak se 8 minuta seancë., për shkak të kaosit të krijuar, ku përveç tymueseve, deputetët plasën edhe kapsolla, ndërsa mblodhën sërish karriget pirg në foltore.

Emrat e deputetëve për të cilët PS kërkon përjashtimin
1- Ervin Salianji
2- Bledion Nallbati
3- Asllan Dogjani
4- Lefter Gështenja
5- Isuf Çelaj
6- Luan Baçi
7- Xhelal Mziu

Deputetët e PS që kanë firmosur për të kërkuar masë disiplinore janë
1- Anduel Tahiraj
2- Ilir Metaj 
3- Baftjar Zeqaj
4- Hatixhe Konomi
5- Antoneta Dhima
6- Pranvera Resulaj 
7- Desantila Tahiraj 

(Kliko këtu për të parë dokumentin e plotë) 

Rendit zhvillimet sipas orarit:
Ora 17:12
Shkaktuan kaos në seancën ku u miratua buxheti, Sekretariati i Etikës vendos përjashtimin me 10 ditë të 7 deputetëve të Bardhit e Berishës

1701940900_kaosiirithemelimitnkuvend.jpeg

Sekretariati i Etikës ka vendosur përjashtimin me 10 ditë nga seanca plenare për 7 deputetë të grupit Bardhi e Berisha.

Përjashtimi i tyre vjen si pasojë e kaosit dhe dhunës që ushtruan në seancën e fundit plenare ku hodhën edhe kapsolla e tymuese si dhe u përplasën me punonjësit e Gardës.

Deputetët e përjashtuar:

Ervin Salianji

Bledion Nallbati

Asllan Dogjani

Lefter Gështenja

Isuf Çelaj

Luan Baçi

Xhelal Mziu

B.V/Shqiptarja.com

Ora 14:51
Zbardhet kërkesa e PS-së për të ndëshkuar deputetët e Berishës dhe Bardhit! Bllokuan seancën ku u votua buxheti 2024

PS ka kërkuar përjashtimin e Ervin Salianjit, Luan Baçit, Asllan Dogjanit, Bledion Nallbatit, Lefter Gështenjës, Isuf Çelës e Xhelal Mziut, pasi seancën e shkuar hodhën tymuese e kapsolla në parlament.

Në dokumentin që i është dërguar sekretaritit të procedurave votimit dhe etikës dhe që dispozon Report Tv vihen në dukje dhe veprimet që kryen në sallë deputetët.

“Prej më shumë se dy muaj deputetët e opozitës me sjelljet e tyre kanë cënuar zhvillimin e rregullt të seancave plenare, duke qenë në kundërshtim me Rregulloren e Kuvendit dhe Kodin e Sjelljes së Deputetit të Kuvendit të Shqipërisë.

Të njëjtat skenare bllokimi deputetë të caktuar të opozitës kanë përdorur dhe në seancën plenare të datës 7 dhjetor 2023. Seancë dedikuar votimit nen për nen dhe në tërësi të Buxhetit të vitit 2024 dhe Paketes Fiskale.

Deputetët Ervin Salianji, Bledjon Nallbati, Asllan Dogjani, Lefter Geshtenja, Isuf Çela. Xhelal Mziu, sapo hynë në sallën e seancës plenare kanë tentuar për ta shkatërruar atë. Ata kanë marrë karriget nga vendet përkatëse dhe i kanë hedhur me forcë me qëllim bllokimin e foltores duke dëmtuar ekranin ku shfaqet rendi i ditës.

Deputetët janë konfliktuar fizikisht, duke shtyrë dhe goditur me karrige punonjësit e Gardës, të cilët ushtrojnë detyrën e tyre për të siguruar rend dhe qetësi në sallën e Parlamentit.

Me fillimin e seancës plenare, deputetët Bledjon Nallbati, Asllan Dogjani dhe Ervin Salianji përdorën mjete piroteknike (flakadanë dhe kapsolla) të ndihmuar dhe nga deputeti Luan Baçi i cili mbante me vete disa flakadanë. Veprimet e deputetëve penguan zhvillimin e rregullt të rendit të ditës duke detyruar drejtuesen e seancës të kalojë në procesin e votimit" shkruhet në kërkesën e PS-së

Deputetët që kërkohet të përjashtohen
1- Ervin Salianj
2- Luan Baçi
3- Bledjon Nallbati
4- Asllan Dogjani
5- Isuf Çela
6- Lefter Geshtenja
7- Xhelal Mziu
Deputetët e PS që kanë firmosur për të kërkuar masë disiplinore janë
1- Anduel Tahiraj
2- Ilir Metaj 
3- Baftjar Zeqaj
4- Hatixhe Konomi
5- Antoneta Dhima
6- Pranvera Resulaj 
7- Desantila Tahiraj 

S.G/Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Protesta e opozitës, Erion Braçe: Të bllokosh Tiranën, njësoj si ato makinat e ekstremisteve që hyjnë në tregjet e krishtlindjes

Protesta e opozitës, Erion Braçe: Të bllokosh Tiranën, njësoj si ato makinat e ekstremisteve që hyjnë në tregjet e krishtlindjes

23 Dhjetor, 08:58