Kapen me dy automatikë brenda triçiklit me të cilin udhëtonin, arrestohen babë e bir në Tiranë! Nën hetim penal edhe një 68-vjeçare që u fshihte armët

TIRANË- Babë e bir janë arrestuar nga policia e Tiranës, pasi me mjetin me të cilin udhëtonin u janë gjetur 2 armë zjarri automatik dhe municion luftarak.

Në kuadër të operacionit ‘Parandalimi’, u prangosën Skënder Jonuzi, 39 vjeç dhe djali i tij E. J., 16 vjeç, banues në Tiranë.

Sipas policisë arrestimi i tyre u bë në rrugën “Ali Kolonja, pasi gjatë kontrollit të triçiklit me të cilin udhëtonin u gjetën dhe u sekuestruan 2 armë zjarri automatik dhe municion luftarak.

Po ashtu u procedua penalisht dhe shtetasja P. T., 68 vjeçe, e cila dyshohet se ruante në banesën e saj armët e zjarrit që iu sekuestruan shtetasve të lartpërmendur. Gjatë kontrollit në banesën e saj u gjet një armë gjahu pa leje, e cila u sekuestrua nga shërbimet e Policisë, gjatë këtij operacioni.

Vazhdon puna për dokumentimin e plotë ligjor të kësaj veprimtari kriminale dhe zbulimin e qëllimit që kishin këta shtetas, me armët që posedonin.  

Materialet do t’i kalojnë Prokurorisë pranë Gjykatës së Shkallës së Parë për Tiranë, për hetime të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet miratuar rezoluta anti-korrupsion e propozuar nga PS?



×

Lajmi i fundit

Morinë, ndalohet një 41-vjeçar nga Serbia i shpallur në kërkim ndërkombëtar për prodhim dhe shitje narkotikësh

Morinë, ndalohet një 41-vjeçar nga Serbia i shpallur në kërkim ndërkombëtar për prodhim dhe shitje narkotikësh