SHKODËR-Sekuestrohet një sasi prej 132 kilogramë kanabis në Digën e Komanit në Shkodër, arrestohen 2 persona.
 
Pjetër Marashi, 40 vjeç dhe A. M, 15 vjeç të dy banues në fshatin Hot i Ri, Shkodër u arrestuan pasi në një varkë me motor iu gjet dhe sekuestrua 132 kilogramë kanabis e ndarë në 12 thasë.

droge shkoder

droge shkoder
 
Policia
Finalizohet me sukses operacioni "LUNDRIMI FUNDIT"
 
Arrestohen në flagrancë 2 shtetas
 
Sekuestrohen 132 kg lëndë narkotike Cannabis Sattiva.
 
Më datë 05.06.2017 si rezultat i informacioneve të marra në rrugë operative nga ana e Seksionit për Hetimin e Narkotikeve në Drejtorinë Vendore të Policisë Shkodër u finalizua me sukses operacioni "Lundrimi i fundit", ku u arrestuan në flagrancë shtetasit:
 
Pjetër Marashi, 40 vjeç, banues në fshatin Hot i Ri, Shkodër,
 
A. M, 15 vjeç, banues në fshatin Hot i Ri, Shkodër,
 
Arrestimi i shtetasve të lartpërmendur u bë pasi në Digën e Komanit me një varkë me motor, ju gjet dhe u sekuestruan në cilësinë e provës materiale 12 thasë të mbushur ku pas peshimit rezultoi 132 kg lëndë narkotike e dyshuar Cannabis Sattiva.
 
Materialet i kaluan Prokurorisë së Rrethit Gjyqësor Shkodër për veprën penale të “Prodhimit dhe shitjes së narkotikëve, kryer në bashkëpunim’’ Neni 283 /25 i Kodit Penal.

Redaksia Online
Al.N/Shqiptarja.com