POP 5

Lajmet më të lexuara të 5 minutave të fundit

Kronikë

Kapet peshku i parë i madh,si u
bë biznesmeni pronar i poligonit

Shpallet në kërkim miku i politikanëve, Ilir Karkini. Dyshohet se është dekonspiruar prangosja e tij. Arrestohen pesë zyrtarë të Bashkisë së Rrogozhinës dhe zyrës së Hipotekave në Kavajë, për abuzim me pronat në bregdet, Karkini ka fituar mes akuzash e dyshimesh tenderin e mirëmbajtjes për radarët detarë të ushtrisë 1.15 mld lekë dhe tenderin për mirëmbajtjen e rrjetit të dixhitalizimit të TVSH.Ai merr çdo vit 2 mln euro nga TVSH. VIDEO
Biznesmeni Idlir Karkini, miku i politikanëve është shpallur në kërkim nga prokuroria e Kavajës, pasi ka përvetësuar sipërfaqen e tokës, që ishte në pronësi të Komandadës së Forcave Ajrore në plazhin e Spillesë. Kjo sipërfaqe toke shërbente si poligon qitje nga Komanda Ajrore, por në mënyrë të kundraligjshme është rregjistruar në hipotekë në emër të biznesmenit Idlir Karkini.

Prej ditës së djeshme Karkini është shpallur në kërkim, ndërkohë dyshohet se operacioni për arrestimin e biznesmenit të njohur është dekonspiruar. Karkini administron kompanitë “Idea-Tel” dhe “Alb Communication Consult” ndërkohë që është ka fituar disa vite më parë dhe tenderin për menaxhimin e shërbimit të mirëmbajtjes për Radarët Detarë të Ushtrisë dhe për mirëmbajtjen e rrjetit të dixhitalizimit të TVSH, me vlerë 8.8 milionë euro, aferë kjo e denoncuar nga “Shqiptarja.com” tre vite më parë. Karkini sipas tenderit të fituar merr çdo vit 2 milionë euro nga Televizioni Publik.

Karkini morri 1.15 mld lekë dhe pronë në Spille

Rasti më flagrant i këtij abuzimi është një pronë e Ministrisë së Mbrojtjes në Spille (poligon qitje) e cila nuk i është regjistuar kësaj ministrie pas tre kërkesave radhazi nga ky institucion në hipotekën e Kavajës, por ndërkohë atë e ka privatizuar biznesmeni Karkini.

Prokuroria thotë se ministria e Mbrojtjes ka aplikuar 3 herë për regjistrimin e pronës së saj nga viti 2005-2007 dhe nuk i është regjistruar kjo pronë, ndërsa në vitin 2016 kjo pronë regjistrohet në favor të biznesmenit Idlir Karkini. Gjatë kësaj periudhe Karkini ishte kontraktuar nga ministria e Mbrojtjes për shërbimit të mirëmbajtjes së radarëve me një vlerë prej fondin financiar 115.233.655 afërsisht 97 milion lekë në muaj.

Dokumentet falco që çuan në grabitjen e poligonit
Nga ana e Komandës së Forcës Ajrore dhe nga ana e Komisariatit të Policisë Rrogozhinë është bërë kallëzim penal në polici. Në pronën Poligoni i Qitjes Rreth-Greth me numër pasurie 368 është konsatuar prerje pyjesh dhe pastrim i barishteve nga një grup punëtorësh. Këta punëtor janë sjellë nga shtetasi Idlir Karkini, i cili ka çertifikatë pronësie për këtë sipërfaqe toke në pyllin dhe rërën buzë detit.

Në kallëzim pretendohet se kjo tokë është pronë shtetërore në pronësi të aviacionit shqiptar. Ministria e Mbrojtjes ka aplikuar 3 herë për regjistrimin e pronës së saj nga viti 2005-2007 dhe nuk i është regjistruar kjo pronë, ndërsa në vitin 2016 kjo pronë regjistrohet në favor të Idlir Karkinit.

“Nga Këshilli qarkut Tiranë jemi informuar se shkresa Nr.2147 dt.28.12.2015 e Këshillit të Qarkut Tiranë drejtuar ZVRPP Kavajë, që ka shërbyer për ndryshimin e zërit kadastral nuk është përgatitur nga Institucioni i tyre dhe nuk është dërguar në ZVRPP Kavajë. Ndërsa shkresa Nr.5836 dt.18.11.2015 e ZVRPP Kavajë nuk është dërguar fare në Këshillin Qarkut Tiranë as dorazi dhe as me postë”-thuhet në njoftimin e prokurorisë.

Si funksiononte skema
Pas një hetimi shumë mujor të Prokurorisë së Kavajës u mundësua identifikimi i disa shtetasve të dyshuar si përgjegjës për përfshirje në tjetërsimin e pronave në bregdetin e Spillesë në Kavajë. Prokuroria Pranë Gjykatës së Shkallës së Parë Kavajë vazhdoi me fazën e dytë të hetimit, pjesë e procedimit penal të regjistruar më parë për veprën penale të “Shpërdorimit të detyrës” të parashikuar nga neni 248 i Kodit Penal në lidhje me ndërtimet në zonën e plazhit të Spillesë.

Këtij procedimi penal i janë bashkuar edhe 4 procedime të tjera për të njejtin fakt penal. Deri tani në këtë hetim të vazhduar janë përfshirë gjithsej në të dy fazat 23 persona, për tjetërsimin e pronave nëpërmjet krijimit të një mekanizmi të njëjtë, duke administruar AMTP të një periudhe mbi 15 vjet, në kundërshtim me ligjin, më pas duke proceduar me konfirmimet nga zyrat e Këshillit të Qarkut Tiranë, duke fshehur dhe zëvendësuar konfirmimet e qarkut me konfirmime që parashtrojnë rrethana të rreme, nëpërmjet falsifikimit të statusit të parcelave apo pasurive të veçanta, duke i bërë pjesë e praktikës (dosjes) të aplikuesve kanë arritur t’i regjistrojnë si pasuri personave të ndryshëm.

Në vijim të hetimeve ka rezultuar se këto pasuri janë regjistruar e më pas janë tjetërsuar nga persona të tjerë, nëpërmjet shit-blerjeve në një periudhë tepër të shpejtë, në kundërshtim të hapur me ligjin. Gjithashtu janë kryer hetime dhe në lidhje me ndërtimet e 27 lokaleve përgjatë vijës bregdetare, ku vetëm 4 persona investitorë rezultojnë të jenë banorë të zonës, ndërsa të gjithë personat e tjerë janë qytetarë të rretheve të tjera.

Ndërtimet e këtyre lokaleve rezultojnë vetëm mbi bazën e një aplikimi në Bashkinë Rrogozhinë, duke paraqitur vetëm një plan vendosje, kjo sipas preferencave të investitorëve, pa patur asnjë plan zhvillimor të Bashkisë Rrogozhinë.

idlir karkini
Idlir Karkini

 

d.c./shqiptarja.com

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur

Aksident i rëndë në Korçë – Pogradec/ Përplasen dy makina, një i vdekur

8 Janar, 23:55