POP 5

Lajmet më të lexuara të 5 minutave të fundit

Ekonomi

Karburantet, Metrologjia: S'do
t'i japim emrat e hajdutëve

Ka ngulur këmbë dje për të mbajtur fshehur emrat e subjekteve që vjedhin konsumatorët, duke u shitur më pak karburant se sa paguajnë, drejtoresha e Metrologjisë Kozeta Mesiti. Sipas saj, vetëm më ndryshim legjislacioni mund të detyrohet një gjë e tillë.
Berisha: Të publikohen emrat e kompanive që abuzojnë me naftën
METE përplaset me Metrologjinë për subjektet e gjobitura si vjedhës
Karburantet, Metrologjia: S'do<br />t'i japim emrat e hajdutëve
TIRANE - Ndërkohë që është rritur interesimi i konsumatorëve për të mësuar emrat e subjekteve që mashtrojnë me sasinë e karburantit që hedhin në serbatorët e makinave të tyre, Drejtoria e Përgjithshme e Metrologjisë vijon të fshihet pas një ”gjethe fiku” ligjore. Në një prononcim të djeshëm, drejtoresha Kozeta Mesiti tha se nuk ka ndryshuar aspak qendrim, edhe pse METE ja ”la në derë” përgjegjësinë këtij institucuoni për të publikuar emrat e vjedhësve, që qytetarët të mos shkojnë më të furnizohen në to.

Një ditë pasi ministria e Ekonomisë lejoi publikimin e emrave të kompanive që abuzojnë me furnizimin me karburant, Mesiti tha se ligji për inspektimin në Republikën e Shqipërisë nuk lejon publikimin e të dhënave që lidhen me veprimtarinë tregtare të subjekteve. “Informimi bëhet në bazë dhe brenda kufijve të ligjit për mbrojtjen e të dhënave personale dhe të dhënave që lidhen me veprimtarinë tregtare apo profesionale të subjektit të inspektimit apo personave të tjerë.

Në interpretim të kësaj pike, ne pengohemi të publikojmë, për faktin sepse jemi të detyruar të mbrojmë interesat e konsumatorit, po kështu edhe të mbrojmë interesat e biznesit“, tha ajo. Sipas drejtoreshës, Drejtoria e Metrologjisë bëri veprimin që pritej prej saj, ka hartuar Aktin Normativ, i cili qartëson pozicionin e kësaj Drejtorie për publikimin e këtyre subjekteve dhe është e gatshme ta zbatojë atë në momentit që do të miratohet. Por, një gjë e tillë është absurde në momentin që nuk ka Kuvend që ta miratojë Aktin.

“Ne jemi të hapur të publikojmë të gjithë emrat, të cilët kanë probleme, por natyrisht në mbështetje edhe të plotësimit të këtij Akti Normativ, që është shumë i nevojshëm. Do t’i publikojmë duke nxjerrë të dhëna tregtare që kanë të bëjnë me subjektet“, theksoi Mesiti. Sakaq, ajo e klasifikon veprën e kryer nga 141 subjekte të kapura në faj duke abuzuar me sasinë e karburantit si ”kundravajtje administrative” ndaj nuk kanë bërë kallzim në Prokurori.

Faksimile e dy ligjeve që detyrojnë informimin e publikut lidhur me shkeljet e të drejtave të konsumatorit
(Në foto: faksimile e dy ligjeve që detyrojnë informimin e publikut lidhur me shkeljet e të drejtave të konsumatorit)

Shkrimi u botua sot në gazetën Shqiptarja.com (print) 05.09.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça