TIRANË- Hirësia e tij, Kardinali Ernest Simoni (Troshani), nga Firence në një lidhje me Skype në emisionin 'Pa Protokoll', i ka cilësuar këto Krishtlindje të rralla, që nuk ishin parë më parë në historinë botërore. Megjithatë, ai shtoi se ai që beson në Zot, do e ketë shpirtin të gëzuar.
"Koha në të cilën e kaluam, ishte e panjohur në historinë e botës. Fjala e parë që mund të themi është që çdo njeri duhet ta njoh krijuesin, të njohë vetveten, qëllimin për pse është në botë dhe çka do të jetë në të ardhmen. (...) Në këto kushte, Krishtlindjet janë krejt të rralla, por për njeriun që beson Zotin, është ajo që i bën të gjithë të jenë të gëzuar në shpirtin e tyre", tha Kardinali në intervistën për gazetaren Anduela Ndreu.
Kardinali ka rrëfyer edhe ndjesitë nga mesha e mbajtur në Vatikan, e cila ndryshe nga herët e tjera nuk mbushi sheshin për shkak të COVID-19, por lutjet u përcollën nga ekrani i një televizoni.
"Në kushtet e sotme, Papa e mbajti meshën në 19:30, komuniteti apostolik i Kishës italiane i këshilloi besimtarët që të shohin meshën në televizion, ku prej aty i përcollën lutjet e vazhdueshme dhe shpresën e madhe. (...)Teknologjia ka bërë të mundur që të komunikojmë në të gjitha format për bashkimin shpirtëror të popullit fetar. Me anë të një televizori e gjithë bota fetare është bashkuar për të parë ka parë meshën dhe Krishtin që po lind", tha Kardinali.
Në fund, hirësia e tij, Princi i Kishës Botërore ka pasur edhe një mesazh drejtuar besimtarëve katolik shqiptarë kudo që ndodhen, pa harruar as politikanët.
"Mbi të gjitha duhet të vendoset dashuria e gjithanshme në drejtësi. (...) Jepni të drejtën që i takon çdo familje qytetare të jap votën që drejtësia të vihet në vend të parë", përfundoi kardinali Ernest Troshani.
Kryegjyshi Edmond Ibrahimaj apo siç njihet nga të gjithë besimtarët bektashinj, Baba Mondi e konsideroi COVID-19 një tundje të njerëzimit dhe sprovë të Zotit për t'i rikthyer pranë tij. Në një intervistë për "Pa Protokoll", Baba Mondi tha se gjatë kësaj kohë janë ndihmuar njerëz në nevojë dhe kjo pandemi i ka bërë njerëzit më të fortë për të përballuar vështirësitë e të ardhmes.
"Të gjithë besimtarët bektashinj janë porositur të respektojnë masat për të ruajtur njeriun. E gjithë kjo periudhë ka qenë e vështirë për të gjithë. Sprova e pandemisë tundi njerëzit. Zoti tha ndal se keni shkelur disa ligje të miat dhe për këtë jep sprova që njerëzit të kujtohen dhe të mos gabojnë. Ne duhet të mendojmë për të gjithë njerëzimin,kur ke tepër ndaje me atë që është në nevojë. Teqet tona në këtë periudhë kanë qenë në shërbim personave në nevojë. Kush ka ardhur ka kërkuar ndihmë i jemi gjendur si jetimeve, njerëzve në nevojë, të varfëve në Fier, Tiranë, Korçë, Maliq me aq sa kemi pasur mundësi. U janë blerë ilaçe, u është dhënë për të ngrënë, veshje, u janë paguar shpenzimet mjekësore, jemi munduar të jemi afër tyre", tha Baba Mondi.
Baba Mondi uroi një vit të mbarë për të gjithë njerëzit , ku paqja dhe mirësia të shkojë tek të gjithë zemrat e njerëzve mysliman apo të krishterë.
"Gjatë Krishtlindjeve u kemi dhënë urimin tonë drejtuesve të Kishave dhe besimtarëve të tyre u urojmë bekim dhe mirësi, edhe pse jo të grumbulluar por së bashku në familje. Këto vështirësi që patëm këtë vit na kanë bërë më të fortë për të përballuar 2021 dhe ajo që urojmë është paqe dhe mirësi tek të gjithë zemrat e njerëzve mysliman apo të krishterë", u shpreh Baba Mondi.
Pandemia solli krishtlindje dhe festa fundviti aspak të zakonshme, por përtej distancimit social, ajo që është vënë re është një afrim edhe më i madh shpirtëror mes njerëzve apo edhe me zotin. At Kozma Prifti i Kishës Ortodokse tha në emisionin "Pa Protokoll" se pandemia noxrri në pah se njerëzit e ndjejnë dhimbjen e tjetrit edhe pse të ndarë fizikisht.
"Atë pak që ka besimtari do e ndajë më atë që nuk ka dhe është në nevojë. Ky është mesazhi i Krishtlindjeve që perëndia është bashkë me ne. Kjo është një situatë që i bashkon të gjithë besimtarët duke ndjerë më tepër nevojën njerëzore të njëri-tjetrit. Të gjithë ata që dëgjojmë vazhdimisht që kalon COVID, të gjithë kjo na trishton dhe kjo na ka bërë edhe më të afërt duke ndjerë dhimbjen e tjetrit. Edhe ne gjatë kohës që lutemi, mendja dhe lutjet tona nuk shkojnë vetëm për besimtarët tonë, por edhe atyre të besimeve të tjera", tha At Prifti.
At Kozma Prifti e cilësoi pandeminë si një sprovë të Zoti për njerëzit duke i kthyer ata sërish pranë tij , pasi jeta dhe zhvillimit e saj kishin krijuar në largim të besimtarëve. Sipas At Priftit largimi nga zoti është dhe problemi social që kanë shoqëritë, por që në këtë periudhë u pa se njerëzit e kanë zotin brenda tyre.
"Njeriu tërhiqet nga zhvillim i jetës dhe në një moment largohen nga perëndia dhe ky është problemi social që kemi. Zoti bëri që kjo sprovë e COVID-19 të testojë distancën fizike nga njëri-tjetri po të shtoj dashurinë dhe afërsinë shpirtërore që vjen në këtë kohë për ne", u shpreh At Kozma Prifti.
Komente
Lajme të tjera
-
'Vatikani SUFI, rruga liberale drejt Islamit', Baba Mondi flet për 'La Repubblica'
17 Nëntor, 12:39
-
‘Vanguard’: Sovraniteti bektashian i Shqipërisë ofron shpresë kundër ekstremizmit në Afrikë
16 Nëntor, 14:38
-
At Luigj Paliq dhe Dom Gjon Gazulli shpallen martirë të Kishës Katolike me dekret të Papa Franceskut! Mbahet në Shkodër mesha e shenjtë
16 Nëntor, 14:34
-
Studiuesi i njohur, James Ker-Lindsay reportazh për krijimin e shtetit të ri sovran bektashi në Shqipëri
9 Nëntor, 15:55 -
Lezha përkujton martirët katolikë, at Ndoc Suma, Luigj Prenushi dhe Vinçens Prenushi
6 Nëntor, 16:15
-
Një librari në Tiranë me emrin e atit jezuit, Zef Valentini. Hapësira e re me botime të larmishme e gjithëpërfaqësuese
5 Nëntor, 13:54
-
Shteti bektashi në letër' Baba Mondi: Kur të ketë diçka të re ju njoftojmë! Në Mallakastër vihet shtatorja e Baba Haxhi Saliaj
25 Tetor, 14:25 -
Greqi/ Skandal në Kishën Katolike! Dy priftërinj përvetësuan 3 milionë euro dhe i investuan në lokalet e natës
24 Tetor, 15:56 -
Krijimi i shtetit Bektashi, ‘The Economist’: Shpresat për harmoninë fetare vijnë në jetë në Vatikanin mysliman
17 Tetor, 16:40 -
Ruhet me truproja/ Baba Mondi intervistë për ‘Jerusalem Post’: Gati për shtetin Bektashi, të mos humbet kohë! E quaj veten vëlla të popullit të Izraelit!
13 Tetor, 16:13 -
Kryegjyshata i ka kërkuar qeverisë në vite t'i njihet statusi i saj ndërkombëtar si qendra e bektashinjëve në botë, me statusin që ka Nunci Apostolik në Tiranë (LETRA)
25 Shtator, 19:57 -
Plani i Ramës për një shtet Bektashi, BE për Report Tv: S’kemi komente në këtë fazë, mbështesim tolerancën dhe dialogun ndërfetar, s’kemi kompetenca
25 Shtator, 13:07
Baba mondi kanakar nga ushtar na u bë fetar. Deri dje oficer i Enver Hoxhës sot na u bë baba mondi i monikës e babaj i like floririt. Baba mondi shum gëzon se pare shum fiton. Se kur ishte cifer hante shum mish derr. Kurse tani ha kabuni e pi raki. O Zot që e mytën mashtrusit Shqiprin nga oficer na u kthyn në bark derr. Si Elvis Naçi pes lek për hallexhinjt e 1.000000 euro për Elvis Naçin që vilat e veta i ndërtoi me lekët e karalloit. Na mytën na mytën mashtrusit.
Përgjigju