POP 5

Lajmet më të lexuara të 5 minutave të fundit

Media

Kasetat, Stano: Po shqyrtojmë
ligjshmërinë e vendimit të KQZ

Komisioni Europian përmes zëdhënësit të komisionerit, Stefan Fyle reagon ndaj vendimit të KQZ, që mediat të pasqyrojnë fushatën përmes kasetave të ofruara nga partitë. Stano: KE po shqyrton në detaje vendimin e KQZ-së. Liria e medias është e rëndësishme.
Kasetat, Stano: Po shqyrtojmë<br />ligjshmërinë e vendimit të KQZ
BRUKSEL - Ndaj vendimit të KQZ, që mediat të pasqyrojnë fushatën vetëm përmes kasetave të ofruara nga partitë politike, ka reaguar edhe Komisioni Europian përmes zëdhënësit të komisionerit, Stefan Fyle.
 
Në një intervistë për Top Channel, Peter Stano tha se Komisioni Europian "po shqyrton në detaje vendimin e KQZ-së dhe kujtoi se liria e medias është një prej vlerave dhe parimeve bazë të Bashkimit Europian, e cila duhet të garantohet dhe jo të kufizohet".
 
Cili është qëndrimi juaj mbi vendimin e KQZ për të detyruar mediat, që të transmetojnë kasetat e gatshme të partive politike për fushatë zgjedhore?
 
Peter Stano: “Ne jemi në dijeni të këtij vendimi të KQZ-së dhe gjithashtu për reagimin nga shoqata e gazetarëve në Shqipëri. Aktualisht ne po shqyrtojmë detajet e këtij vendimi, për të parë se a përputhet ai me masat për të garantuar lirinë e medias në vend, si dhe sa përputhet me standardet dhe parimet në këtë fushë”.
 
A është ky vendim në përputhje me standartet e medias dhe mbi të gjitha me vetë rolin e KQZ-së dhe pritshmëritë e BE-së për mirëfuksionimin e institucioneve demokratike, një prej kushteve për statusin kandidat?
 
Peter Stano: “Ne e kuptojmë mirë ndjeshmërinë e situatës, veçanërisht në këto momente të fushatës zgjedhore. Kur flasim për lirinë e medias, ajo që është e rëndësishme për ne është që të garantohet se në çdo kohë dhe posaçërisht para zgjedhjeve, mediat të mund të veprojnë të lira, pa asnjë lloj ndërhyrjeje. Por siç e thash, ne po e shqyrtojmë vendimin e KQZ-së në detaje, për të parë a përputhet apo jo me rregullat standard”.

 A duhet të paguajë media “çmimin” e pavarësisë nëpërmjet gjobave të një institucioni të ashtuquajtur të pavarur?
 
Peter Stano: “Nga pikëpamja e Bashkimit Europian në përgjithësi, është e rëndësishme që media të mund të veprojë e lirë. Liria e medias është një prej vlerave dhe një prej parimeve të Bashkimit Europian dhe është edhe pjesë e procesit të integrimit që pasqyrohet ç‘do vit në raportet e progresit, për të gjitha vendet e këtij procesi. Vetëm pas pak ditësh do të ketë një konferencë të posaçme kushtuar lirisë së medias dhe lirisë së shprehjes në vendet e Ballkanit dhe në Turqi, e këto çështje do të diskutohen gjithashtu edhe aty. Mendoj se po i kushtojmë mjaft vëmendje dhe po përpiqemi të ngulisim tek partnerët tanë mesazhin se sa e rëndësishme është që të sigurojnë se media po vepron në një klimë lirie, dhe që liria e medias dhe liria e shprehjes të garantohet, dhe jo të kufizohet”.

Marre nga Shqip
Redaksia Online
(mag/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dita e Pavarësisë, Shkodra kuqezi për 112-vjetorin! Qytetarët paradë me flamujt në makina (VIDEO)

Dita e Pavarësisë, Shkodra kuqezi për 112-vjetorin! Qytetarët paradë me flamujt në makina (VIDEO)

28 Nëntor, 20:52