"Kasmi", avokati i Mario Meshinit: 
Ndryshoni masën,detyrim paraqitje

Avokati i Mario Meshinit, i akuzuar si bashkëpunëtor në vrasjen e Devi Kasmit pak ditë më parë, ka depozituar një ankimim në lidhje me masën e sigurisë për 24-vjeçarin.

Në ankimimin e bërë nga Ferdinand Ndoja kërkohet heqja e masës së arrestit me burg dhe caktimin e masës “detyrim paraqitje”, pasi si Meshini dhe avokati i tij e mohojnë përfshirjen në vrasjen e Devi Kasmit.

24-vjeçari Mario Meshini ishte i pari i arrestuar në lidhje me atentatin e Kasmit, dhe për të u caktua masa arrest me burg.

Pas Meshinit tij u arrestuan shtetasi grek Eftimi Eftimius, i akuzuar si vrasësi dhe 3 persona të tjerë të akuzuar si bashkëpunëtor në vrasje. 

Ditën e hënë nga Krimet e Rënda është dhënë masa arrest me burg për grekun dhe tre të arrestuarit e tjerë e dyshuar si vrasësi me pagesë i Devi Kasmit.

Er.K/Shqiptarja.com