POP 5

Lajmet më të lexuara të 5 minutave të fundit

Politikë

Kastriot Islami në listën e PD-së
Berisha mban fjalën për 3 ishët

Kryeministri Berisha vendos në listat e sigurta të Partisë Demokratike deputetët Kastriot Islamin, Gjovalin Kadelin dhe Asllan Dogjanin. Në seancën e 15 prillit ku 3 ish- socialistët bashkuan votat me PD për të votuar shkarkimin e anëtarit të LSI-së në KQZ, Ilirjan Muho Berisha premtoi “bashkëpunim afatgjatë" (Foto: Bizhga, duke debatuar me Islamin, 15 prill ).
Kastriot Islami në listën e PD-së<br />Berisha mban fjalën për 3 ishët
TIRANE - Kryetari i Partisë Demokratike dhe kryeministri i Shqipërisë, Sali Berisha kërkon të mbyllë brenda të hënës listën e deputetëve të forcës së tij politike, por edhe koalicionet.

Burime brenda kësaj partie tregojnë për Shqiptarja.com se emrat më “të spikatur” në listën e sigurt të Berishës janë Kastriot Islami, Gjovalin Kadeli dhe Asllan Dogjani. Berisha ka vendosur që ata të jenë në listat e sigurta të PD-së, duke konfirmuar në këtë mënyrë hamendjet e ditëve të fundit.

Tre deputetët, të zgjedhur në emër të Partisë Socialiste janë shkëputur nga kjo forcë politike dhe kanë votuar për propozimet dhe ligjet e sjella në Kuvend nga mazhoranca. Kjo ka ndodhur për gati dy vjet me deputetin Islami, ndërkohë që dy deputetët e tjerë kanë qenë vendimtarë në votimin për shkarkimin e anëtarit të Komisionit QEndror të Zgjedhjeve, Ilirian Muho.

“Me këta tre deputetë do të kemi një bashkëpunim të gjatë”, ka deklaruar Berisha në fund të kësaj seance, duke premtuar edhe publikisht vendin e deputetit për këta tre emra.

Kur mbeten edhe pak ditë nga regjistrimi përfundimtar në Komsionin Qëndror të Zgjedhjeve të koalicioneve zyrtare, Berisha duket se po nxiton të mbyllë edhe listat emërore të deputetëve ku deri tani më të sigurt ndihen ministrat dhe bashkëpunëtorët e ngushtë të kryeministrit. Pas mesnatës së djeshme, këtë siguri e kanë edhe ishët socialistë, Islami, Dogjani dhe Kadeli.

Deputeti Kastriot Islami është shkëputur nga Partia Socialiste prej gati dy vjetësh, pas një sërë kundërshtish që ka pasur ai me vendimet politike të kësaj partie dhe menjëherë është pozicionuar pranë Parttisë Demokratike, duke votuar edhe pro vendimeve të qeverisë në Kuvend. Ndërkohë që deputetët Dogjani dhe Kadeli, janë shkëputur vetëm pak ditë më parë, pasi është mësuar se ata nuk do të jenë më në listat e PS-së.

Votimi i tre ishëve të Partisë Socialiste, të cilët me votën e tyre siguruan mazhorancën mbijetuese të qeverisë së Berishës, ka sjellë për dy seanca me radhë irritimin e deputetëve të tjerë të PS-së, të cilët kanë kaluar edhe në fyerje dhe veprime fizike, madje një grup socialistësh edhe ka protestuar para shtëpisë së Islamit. Megjithatë kjo nuk ia ka ndaluar deputetët të marrin vendimin e tyre, pra të pranojnë ofertën e bërë nga Berisha, deputetë të sigurt, por këtë radhë të Partisë Demokratike.

(Foto: Bizhga, duke debatuar me Islamin, pas votimit per shkarkimin e anetarit te LSI ne KQZ, Ilirian Muho, 15 prill 2013).

Shkrimi u botua sot në gazetën Shqiptarja.com (print) 19.04.2013

Redaksia Oline
(b.m/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata