KATAR 2022/ Çerekfinalet, Kroacia për të thyer mallkimin! Trajneri Dalic: Nder të luash me Brazilin! Holanda për hakmarrje ndaj Argjentinës

Botërori ka hyrë në fazën me emocionuese, pasi duke filluar nga e premtja do luhen dy çerekfinalet e para mes Brazilit dhe Kroacisë fillimisht dhe më pas Argjentinë-Holandë.

Në orën 16:00 në stadiumin Education City nënkampionët e botës, Kroacia, do e kenë shumë të vështirë përballë ‘seleçaos’. Në 3 ndeshjet e fundit që janë përballur këto kombëtare, dy herë për Kupën e Botës, Brazili ka fituar gjithmonë. Bëhet fjalë në 2016 dhe në 2014. Gjithsesi edhe brazilianët që vijnë pas eliminimit të Koresë së Jugut me rezultatin 4-1 duhet të llogarisin faktin se ballkanasit në 11 ndeshjet e fundit në Botëror kanë vetëm 1 humbje, finalen e 2018 në Rusi kundër Francës.

Trajneri i Kroacisë Dalic është shprehur se është nder që përballen me Brazilin.

Ndërkohë po të premten, por në orën 20:00 do përballen Argjentina me Holandën. Dy kombëtare që kanë bërë historinë, ndërsa herën e fundit janë përballur në gjysmëfinalet e 2014 ku latinët kaluan me penallti. Në total dy skuadrat janë ndeshur 5 herë në Botëror, me 1 barazim dhe dy fitore secila. Padiskutim që europianët nuk e harrojnë finalen e 1978, por Argjentina e Messi-t duhet të ketë parasysh se Holanda është e pamposhtur në 18 ndeshjet e fundit në Botëror.

Sakaq dy sfidat e tjera çerekfinale, Marok-Portugali dhe Angli-Francë, janë në program për t’u zhvilluar të shtunën.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet