KATAR 2022/ 'Gjelat pa pupla' në ndeshjen e fundit, Tunizia mposht Francën me një gol! Afrikanët nuk kalojnë më tej, dramë në sekondat e fundit (VIDEO)

FT/ Tunizi 1 - 0 Francë (Khazri 58')

Tunizia fitoi 1-0 me Francën në grupin D të Kupës së Botës. Një gol i Khazri në minutën e 58 të ndeshjes i dha tri pikë afrikanëve në "Education City Stadium" të Al Rayyan, teksa këta të fundit nuk ia dalin të kalojnë në 1/8 edhe pasi Australia fitoi me Danimarkën. Nga ana tjetër Franca e mbyll me humbje fazën e grupeve, ndërsa ishin të kualifikuar si kokë grupi. Fundi i ndeshjes ishte dramatik për "Gjelat" që shënuan me Griezmann por VAR anuloi golin për pozicion jashtë loje.

Skuadra e Francës luante me ekipin e dytë, teksa Deschamps aktivizoi lojtarët që nuk kishin marrë minuta në dy ndeshjet e para. Sfida nisi mirë për Tunizinë, teksa Franca u detyrua të priste sulmet. Pjesa e parë u mbyll 1-1 ndërsa në pjesën e dytë vendosi goli i Khazri në minutën e 58 të ndeshjes. Një top i humbur në mesfushë dënoi Francën, teksa Tunizia shënoi lehtë. Në fund kishte vend edhe për golin e Griezmann te Franca, me VAR që e anuloi.

Në përfundim të ndeshjeve të grupit D, Franca dhe Australia kalojnë më tej në 1/8, teksa edhe pse me pikë të barabarta "Gjelat" janë kokë grupi. Tunizia dhe Danimarka do duhet të presin biletat e kthimit për në shtëpi.

VIDEO:

Renditja:

Rendit zhvillimet sipas orarit:
Ora 17:20
VIDEO/ Gol 'me çorape', Tunizia i shënon Francës

58' Tunizi 1-0 Francë. Afrikanët kalojnë në avantazh me golin e Khazri në minutën e 58 të ndeshje. Një top i fituar në mesin e fushës nga Tunizia bën që sulmuesi të shënojë një gol të thjeshtë me goditjen që duket shumë e lehtë.

Ora 16:14
VIDEO/ Vetëm tetë minuta lojë, Tunizia i shënon Francës! Arbitri 'ngrin' festën

8' Tunizi 0-0 Francë. Nader Ghandri shënon për Tunizinë pas tetë minutave lojë. Një krosim nga e majta e sulmit është devijuar nga lojtari i Tunizisë, me arbitrin që nuk ka lejuar për shumë sekonda festën e afrikanëve duke akorduar pozicion jashtë loje.

S.DH/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD