Katër raste të reja me COVID-19 në Pogradec, dy prej të cilëve infermierë të konsultores së mbyllur

Në 24 orët e fundit në Pogradec janë regjistruar katër raste të reja me koronavirus, bëjnë me dije burime brenda autoriteteve shëndetësore të këtij qyteti.

Dy prej të prekurve janë infermierë të konsultores së fëmijëve që u mbyll dje, për shkak se dyshoheshin si të prekur 11 persona, pas 3 rasteve të ditës së djeshme në Pogradec. Ndërkohë dy rastet e tjera janë kontakte të afërta të të prekurve të infermierëve të konsultores.

Ambienti i kësaj konsultoreje është dezinfektuar ditën e djeshme, ndërsa nuk bëhet me dije se si ka nisur infektimi, por dyshohet se mund ta ketë sjellë një nga nënat që ka dërguar fëmijën për konsultim.


Lajmi kryesor:

COVID-i i merr jetën 62-vjeçarit nga Tirana, 71 raste të reja, 15 të shtruar në 24 orë te Infektivi, 10 në terapi intensive, një intubuar


Ne.k./Shqiptarja.com
  • Sondazhi i ditës:

    A është e mjaftueshme rritja vjetore e pensioneve prej 5 për qind ashtu siç premtohet në programin e Rama 3?



×

Lajmi i fundit

John

Viti i ri shkollor, Ministria e Arsimit merr masat, në klasat ku nuk respektohet distanca, mësimi me turne