Kavajë, të burgosurit mposhtin
ish-lojarët e kombëtares...në futboll
Foto/ Lulzim Berisha fiton lirinë për pak orë     

KAVAJE - Të burgosurit kanë luajtur sot me ish-përfaqësuesit e kombëtares shqiptare në ndeshjen finale të minikampionatit të futbollit të Burgjeve 2015. 

Në këtë ndeshje të luajtur në stadiumin “Besa” të Kavajës ishin të pranishëm edhe Ministri i Drejtësisë Nasip Naço, Presideniti i FSHF Armando Duka, kreu i përgjithshëm i Burgjeve Artur Zoto e përfaqësues të pushtetit lokal.

Ministri i Drejtesise u shpreh se skuadra e tij e zemrës është kombëtarja, por këtë herë ai është me ekipin e bluzave të bardha, ekpin e të burgorsurve. Po ashtu Nasip Naço ne lidhje me sigurinë e një ndeshjeje të tillë, u shpreh se ishte i gatshëm të rrezikonte edhe karrierën e tij për të mos penguar këtë ndeshje. Për mbipopullimet në burgje Naço tha se ndërtimi i burgjeve është një njevoje me qëllim rehabilitimit për shkelësit e ligjit. 

Në këtë ndeshje finale në ekipin e bardhë kanë luajtur futbollistët më të mirë të burgut të Rrogozhinës, Peqinit, Lushnjes, Lezhës dhe Vaqarrit. Ndër futbollistët ishte edhe kreu i bandës së Durrësit Lulzim Berisha. Ndeshja është luajtur nën masa të rrepta sigurie dhe pas rezultatit 6:3 për ekipin e të burgosurve, FSHF dhuroi një kupë për ekipin fitues dhe 20 medalje për pjesëmarrësit dhe organizatorët.



Redaksia Online
(e.c/shqiptarja.com)

TAG:
• lulzim berisha