POP 5

Lajmet më të lexuara të 5 minutave të fundit

Politikë

Kavaja, kush do e hedhë hapin
e parë, KQZ apo Presidenca?

Tërheqja e kandidatëve nga zgjedhjet e Kavajës, përveç paqartësisë juridike, ka krijuar dhe paqartësi se cili do të jetë institucioni që duhet të luajë rolin e parë, KQZ apo Presidenca.  VIDEO
Tërheqja e kandidatëve nga zgjedhjet e Kavajës, përveç paqartësisë juridike, ka krijuar dhe paqartësi se cili do të jetë institucioni që duhet të luajë rolin e parë, KQZ apo Presidenca.
 
Në Komisionin Qendror të Zgjedhjeve janë ende të paqartë nëse do të lenë të digjet pas asnjë vendimmarrje e diela e votimeve, apo do t’i dërgohet më herët presidentit të Republikës një shkresë më kërkesën e anulimit të dekretit që shpallte 7 majin si datë të zgjedhjeve të pjesshme lokale.
  
Por presidenti ndodhet në Himarë dhe zyrat e protokollit të institucionit janë të mbyllura deri ditën e hënë. Nga ana tjetër juristi Sokol Haziaj ka këtë shpjegim.

"Duke konstatuar vakuumin e kandidatëve, kjo i komandohet presidentit të Republikës për një datë tjetër të zgjedhjeve. KQZ në rastin konkret, prodhon aktin administrativ për pamundësinë e ngritjes së institucioneve që administrojnë zgjedhjet atje dhe të pamundësisë së paraqitjes së kandidatëve. Kandidatët janë tërhequr, i kanë lëshuar aktet e tyre pranë KQZ dhe në këto kushte kur ka objekt apo subjekt për t'u zgjedhur padyshim që zgjedhjet janë nul", shprehet për Report Tv Haziaj . 
 
Pra duhet të pritet dhe kalimi i ditës së diel për të bërë të gjitha këto veprime?
"Padyshim, duhet të paraqiten të gjitha aktet administrative pranë KQZ, si aktet e dorëheqjes dhe tek pamundësia e ngritjes së Komisioneve, gjithçka infrastrukturës zgjedhore për të artikuluar faktin që sot nuk kemi proces zgjedhor, normalisht duhet të shfuqizohet ai dekret dhe të vendoset një datë tjetër", tha juristi Sokol Haziaj. 

Të tjerë juristë , ekspertë zgjedhjesh mbështesin një tjetër variant. Ai që i referohet neneve 160 dhe 161 të Kodit Zgjedhor ku sqarohen rastet e shpalljes ë pavlefshmërisë së zgjedhjeve.

Sipas nenit 160, zgjedhjet shpallen të pavlefshme kur votimi nuk ka filluar apo është pezulluar për më shumë se pesë orë.
 
Sipas juristëve KQZ pas ditës së dielën , pasi të faktohet që në kutitë e votimit nuk ka shkuar askush, mund të përdorë nenin 161 të Kodit Zgjedhor sipas të cilit pas shpalljes së pavlefshmërisë, KQZ cakton datën e re të zgjedhjeve që nuk duhet të jetë më vonë se 4 javë nga marrja e këtij vendimi. 

Redaksia Online
(B.K/Shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49