POP 5

Lajmet më të lexuara të 5 minutave të fundit

Kultura

K’cimi i Tropojës në UNESCO, ‘rojtarët’ e traditës për Report Tv: Emocion i madh! Koreografi: Vallet tona epike luftarake

Dy prej koreografëve më të njohur në qytetin e Bajram Currit, që kanë mësuar qindra të rinj të kërcejnë e vallëzojnë janë Mjeshtrja e Madhe, Bukurie Demiraj dhe Nderi i Kombit, Deli Metalia. Mes emocioneve ata treguan rrugëtimin e ‘K’cimit të Tropojës’ në UNESCO.

Pasuria kombëtare pasqyron doke dhe zakone që i trashëgon ndër shekuj, brenda një kombi. Por, kur ajo kalon kufijtë, duke u mbrojtur nga UNESCO shndërrohet në vlerë ndërkombëtare. Një prej tyre është edhe vallja tradicionale ”K’cimi i Tropojës” tani pjesë e Listës Përfaqësuese të Trashëgimisë Kulturore Jomateriale të Njerëzimit.

Ky kërcim është ruajtur falë përpjekjeve të artistëve tropojanë, mes tyre Bukurie Demiraj, “Mjeshtre e Madhe” në valle e koreografi punonjëse në Pallatin e Kulturës në qytetin e Bajram Currit. Ajo ka interpretuar me qindra herë ”K’cimin e Tropojës” dhe po e trashëgon tek brezat e rinj.  Me emocion tregon rrugën e gjatë të futjes në UNESCO.

"Në vitin 2016 profesori pas emigracionit vjen tek Pallati i Kulturës dhe më thotë do më ndihmosh se kam një ide për të çuar K’cimin e Tropojës në UNESCO. Kemi pas shumë vështirësi, siklete, shumë momente tërheqjeje. Por profesori këmbënguli jashtëzakonisht shumë. Kanë qenë emocione të pakomandueshme, sikur fluturonim nga gëzimi se emri i Tropojës shkoi shumë lart", tha Demiraj.

Deli Metalia koreografi në pension, që mbanë titullin “Nderi Kombit”, nuk i fsheh emocionet e përjetimit të këtij lajmi duke sjell në kujtesë edhe promovimet në festivalet kombëtare e ndërkombëtare që i është bërë “K’cimit të Tropojës”.

"Diçka koreografike duke u bazuar mbi motivet dhe kërcimeve të Tropojës dhe vijës melodike të Kcimti të Tropojës. Po nuk u përputh mendimi muzikor me gjestikulacionin e lëvizjeve s’mund të dalë një valle koreografike. Në 3 mijë kërcimtarë tropojanë, secili shpreh botën e brendshme të tij, individualitetin e tij si interpretues. Me gjestikulacionin e tij tregon qëndresën. Kcimet tona janë epike luftarake, epike dramatike, tek vajzat pasqyrojnë jetën e tyre, lumturinë", shprehet Metalia.

“K’cimi i Tropojës”, i njohur gjithashtu si “K’cim Veni”, është një vallëzim festiv që ka ruajtur vitalitetin e tij ndër shekuj. “Kcimi i Tropojës” ka lindur në luginën e Tropojës, në “kamt dhe shpatullat” e Bjeshkëve. Përfshirja e K’cimit të Tropojës në listën e UNESCO-s ka nisur përmes nismës së Shoqatës “Kërcimi i Tropojës” në bashkëpunim me Bashkinë Tropojë dhe Ministrinë e Ekonomisë, Kulturës dhe Inovacionit, si dhe mbështetjen e fondacionit Shqiptaro-Amerikan për Zhvillim. Regjistrimi i këtij elementi në Listën Përfaqësuese të UNESCO-s ndihmon në promovimin ndërkombëtar të trashëgimisë kulturore shqiptare.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    19 Dhjetor, 08:16

    5 vite nga krijimi i SPAK, jeni të kënaqur me punën e bërë?

Lajme të tjera



×

Lajmi i fundit

‘Lazarati’/ Gjykata e Lartë kthen për rigjykim 5 anëtarët e grupit të zjarrit! Dosja në dorë të GJKKO

‘Lazarati’/ Gjykata e Lartë kthen për rigjykim 5 anëtarët e grupit të zjarrit! Dosja në dorë të GJKKO

21 Dhjetor, 10:45 nga Keti Banushi