POP 5

Lajmet më të lexuara të 5 minutave të fundit

Ekonomi

KE: Ekonomia shqiptare do të rritet nën 3% këtë vit, energjia ndikoi negativisht

Komisioni Evropian vlerëson se ekonomia e Shqipërisë do të rritet nën 3% këtë vit. Sipas një raporti të publikua së fundmi KE thekson se në ecurinë ekonomike ndikoi negativisht energjia elektrike. Analiza vijon më tej duke shtuar se ka pasur ecuri pozitive të kreditimit të sektorit privat me 6% përgjatë 2019.

Rritja ekonomike e vendit do të jetë nën nivelin 3%, ky është konkluzioni në të cilin ka arritur Komisioni Evropian, në një raport të publikuar së fundmi për të ecurinë ekonomike të Evropës.

Ashtu si edhe raportet e mëparshme të institucioneve të ndryshme edhe Komisioni Evropian vlerëson mungesën e energjisë elektrike si faktorin kryesor me ndikim negativ.

Sipas analizës së kryer thuhet se pavarësisht situatës jo pozitive të ekonomisë së Shqipërisë, do të vazhdojë procesi i reduktimit të borxhit publik. Pavarësisht se theksohet se buxheti është ende i lartë dhe në të ndikon edhe materializimi i detyrimeve të mundshme nga partneritete publike-private.

Raporti vazhdon më tej me analizimin e tregut të punës, ku vlerëson se papunësia në Shqipëri ka ardhur duke u reduktuar, pavarësisht se është në nivelin e 12%. KE thekson se niveli dyshifror i papunësisë pra mbi 10% do të vazhdojë deri në vitin 2021.

Sa i takon politikës monetare është ngritur shqetësimi i mosrealizimit të objektivit të Bankës së Shqipërisë për të kthyer në objektiv prej 3% të inflacionit që tani është mesatarisht në nivelin e 1.5%.

Në raport është përmendur edhe kreditimi i sektorit privat nga bankat tregtare, ku sipas KE-së pas disa vitesh rritje të ngadaltë kreditimi tashmë huadhënia bankare u rrit me më shumë se 6%. Po ashtu aty theksohet se kredia më e madhe është dhënë për bizneset e vogla.

“Kushtet e favorshme të financimit dhe konsolidimi i fundit në sektorin bankar është pritet të vazhdojë mbështetjen e aktivitetit të kredisë në 2020 dhe 2021” vijon më tej raporti. (Raporti i plote i KE-se)

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme dhe pse administrata ‘Trump’ nuk do t’i heqë ‘non-gratën’ Berishës

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme dhe pse administrata ‘Trump’ nuk do t’i heqë ‘non-gratën’ Berishës

24 Nëntor, 12:13