Komisioni Evropian do të marrë pjesë në financimin e projektit të vijës bregdetare të Vlorës, Lungomare. Lajmi është bërë i ditur nga kryeministri Edi Rama i cili përmes një postimi në rrjetin social Tëitter, ka konfirmuar këtë fakt.

“Lajm i mirë: Komisioni Europian jep miratimin përfundimtar të pjesëmarrjes në financimin e projektit të Vijës Bregdetare të qytetit të Vlorës.” shkruan Rama
 
Në një tjetër postim, Rama, nënvizon se me financimin e qeverisë, do të sigurohet edhe mbjellja e pemëve përgjatë të gjithë vijës bregdetare të qytetit të Vlorës, si dhe zgjerimi i hapësirës ranore.

“Me financimin e qeverisë do të sigurohen sipas projektit të Vijës Bregdetare Vlorë edhe pemët e larta 6m edhe zgjerimi i hapësirës ranore:-).” shprehet Rama
 
Projekti i "Lungomares" prtiet të transformojë vijën bregdetare të Vlorës por jo vetëm dhe do të nise zbatimin në vjeshtën e këtij viti për të qenë gati për qytetarët e Vlorës dhe turistët në vjeshtën e vitit të ardhshëm. 

Redaksia Online
(e.c/shqiptarja.com)