POP 5

Lajmet më të lexuara të 5 minutave të fundit

Bota

KE: Thirrjet e Erdoganit kundër Francës e largojnë Turqinë nga BE-ja

Mbështetja që presidenti turk, Recep Tayyip Erdogan, bëri ndaj thirrjeve për bojkot të mallrave franceze paraqet edhe një pengesë të mëtejshme, në përpjekjen e Turqisë, për t'u anëtarësuar në Bashkimin Evropian, tha të martën Komisioni Evropian.

KE: Thirrjet e Erdoganit kundër Francës e largojnë Turqinë nga BE-ja

Mbështetja që presidenti turk, Recep Tayyip Erdogan, bëri ndaj thirrjeve për bojkot të mallrave franceze paraqet edhe një pengesë të mëtejshme, në përpjekjen e Turqisë, për t'u anëtarësuar në Bashkimin Evropian, tha të martën Komisioni Evropian.

"Thirrjet për bojkot të produkteve të çdo vendi anëtar janë në kundërshtim me frymën e këtyre detyrimeve dhe do ta çojnë Turqinë edhe më larg Bashkimit Evropian", tha një zëdhënës i KE-së.

Turqia aplikoi për t'u bashkuar me Komunitetin e atëhershëm Ekonomik Evropian më 1987 dhe filloi negociatat zyrtare të pranimit në Bashkimin Evropian më 2005, por bisedimet konsiderohen si të ngrira.

Protestat shpërthyen në disa vende, kryesisht myslimane, pasi presidenti i Francës, Emmanuel Macron mbrojti të drejtën e publikimit të karikaturave të profetit Muhamed, pas vrasjes së një mësuesi francez.

Mësuesi i historisë Samuel Paty u vra në rrugë më 16 tetor pasi ndaj tij u zhvillua një fushatë në media sociale duke e kritikuar për shfaqjen para studentëve të karikaturave të profetit Muhamed, gjatë një ligjerate për lirinë e shprehjes.

Turqia e ka dënuar vrasjen, por Erdogan gjithashtu ka rifilluar luftën e tij të gjatë dhe të ashpër të fjalëve me Macronin dhe ka shtuar thirrjet për bojkotimin e mallrave franceze.

Ky veprim është kritikuar nga disa udhëheqës evropianë.

Komisioni Evropian, i cili mbikëqyr procesin e aplikimit në BE, ka paralajmëruar se një bojkot zyrtar i produkteve franceze do të shkelte kushtet e marrëdhënies së Turqisë me bllokun.

"Marrëveshjet e BE-së me Turqinë parashikojnë tregtinë e lirë të mallrave", tha zëdhënësi/ REL

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Lufta në Ukrainë/ Sulm me raketa ruse në Zaporizhia, 1 i vdekur dhe 16 të plagosur, mes tyre një vajzë vetëm dy muajshe

Lufta në Ukrainë/ Sulm me raketa ruse në Zaporizhia, 1 i vdekur dhe 16 të plagosur, mes tyre një vajzë vetëm dy muajshe

23 Janar, 07:53