Gjykata Penale e Tiranës ka liruar nga qelia duke e dërguar në spitalin psikiatrik personin e arrestuar dy ditë më parë, Muharrem Zilija me akuzën e kërcënimit të drejtorit të Përgjithshëm të Burgjeve, Agim Ismaili.
Në seancën e sotme për njohjen me masën e sigurisë gjykata ka vendosur shtrimin në spitalin psikiatrik, pasi ka rezultuar se vuante nga problemet mendore dhe ishte me kartelë, raporton gazetari i Report Tv, Arsen Rusta. Zilija ka deklaruar se merr ilaçe për depresionin.
Teksti i mesazhit, që ai akuzohet se i dërgoi drejtorit të Burgjeve është "Të kam nisur dy here fjale me njerezit e tu, ti vazhdon me na ra ne qafe, ky eshte paralajmerimi i fundit, nese do te vazhdosh ty dhe famiiljaret i pret nje fund i tmerrshem,po deshe provoje nuk do gezohesh nje minut" thuhet në mesazhin dërguar Ismailit.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)