Në mbledhjen e sotme të Komisionit për Ekonominë, Punësimin dhe Financat deputetët e opozitës po prezantojnë 60 amendime lidhur me projektbuxhetin e vitit 2026.

Deputeti i PD Shkodër Kliti Hoti: Buxhet shtesë për spitalin e Shkodrës +5 mln euro  ti shtohet buxhetit të ministrisë

Ina Zhupa: Amendimi i parë , shtesë 2.5 mld lekë për pagën e 13 të mësuesve parauniversitar, që të rrisim motivimin për mësuesit.

Amendimi i dytë , shtesë 384 mln lekë për të shtuar oficerët e policisë në shkolla. Kemi 1400 shkolla, dhe ka vetëm 220 oficerë, parashikohet të shkojë në 400 në buxhet, por propozojë që të shkojë në 800, për shkak edhe të ngjarjeve të rënda kriminale në shkolla. Të krijojmë një mjedis të mbikëqyrës dhe më të mbrojtur.

Amendimi i tretë, 2 mld lekë të shkojë për qarkun Vlorë, ku 1.5 mld lekë për kompensimin e banorëve të Vlorës nga zjarret e përmbytjet dhe 0.5 mld lekë për rregullimin e infrastrukturës së dëmtuar nga përmbytjet e nëntorit.

Tritan Shehu: Amendimi i parë, 1 mld lekë për të kompensuar banorët e bizneset në qarkun Gjirokastër të prekur nga përmbytjet e nëntor-dhjetor, 1 mld lekë për rehabilitimin e infrastrukturës së dëmtuar.

Amendimi i dytë, buxheti i ministrisë së shëndetësisë nga 82 mld lekë të rritet në 110 mld lekë. Nuk ka shëndetësi pa buxhet, duhet të arrijmë 4% të PBB për shëndetësisë.

Amendimi i tretë , vlera e kompensimit të medikamenteve nga 13.5 mld lekë të zëvendësohet me 27 miliardë lekë.

Partia e Lirisë ka depozituar në komision 12 amendime. Deputeti Tedi Blushi tha se kërkojnë 16.2 mld lekë për rritjen e pensioneve që nga viti i ardhshëm.

11 amendimet e tjera të Partisë së Lirisë: 
Shtesë me 15 mld lekë për bujqësinë
Ndihma ekonomike të ketë një shtesë fondi 7.5 mld lekë
Ministria e Shëndetësisë +7.5 mld lekë
Ministrinë e Arsimit +5.2 mld lekë
Për zhvillimin e sportit +1 mld lekë
Për Shkencën shtesë me +2 mld lekë
Siguria ushqimore +0.75 mld lekë
Për dosjet stok e krijuara nga reforma në Drejtësi, fonde shtesë gjithashtu

lajm në përditësim...