POP 5

Lajmet më të lexuara të 5 minutave të fundit

Politikë

Kërkohet shkarkimi i sekretarit, të
majtët braktisin Këshillin Bashkiak

Këshilltarët bashkiakë të majtë në Bashkinë e Tiranës mbraktisën mbledhjen e sotme pasi Kryetari i Këshillit, Njazi Kosovrasti, nisi punimet me propozimin për shkarkimin e sekretarit Vladimir Gjonaj, ndonëse kjo nuk ishte në rendin e ditës.
Kërkohet shkarkimi i sekretarit, të <br />majtët braktisin Këshillin Bashkiak
TIRANE – Këshilltarët bashkiakë të majtë në Bashkinë e Tiranës mbraktisën mbledhjen e sotme pasi Kryetari i Këshillit, Njazi Kosovrasti, nisi punimet me propozimin për shkarkimin e sekretarit Vladimir Gjonaj, ndonëse kjo nuk ishte në rendin e ditës.

Aldrin Dalipi, këshilltar i majtë në Këshillin Bashkiak, kërkoi të dinte se cilat ishin motivet e këtij shkarkimi. “Ju doni të prisni koka dhe pastaj emëroni ndonjë njeri, emrin e të cilit ne s’e dimë ende”, tha Dalipi.

Pas një debati të fortë mes Kosovrastit dhe Dalipit, këshilltarët e majtë dolën nga salla duke ndërprerë kështu për disa minuta mbledhjen e Këshillit Bashkiak.
Ndër të tjera, në rendin e ditës ishte edhe një interpelancë me Kryebashkiakun Basha në lidhje me performancën fiskale të Bashkisë së Tiranës, që ishte kërkuar pikërisht nga Dalipi.

Kryetari i Bashkisë së Tiranës, Lulzim Basha, tha se do të bëhet gjithçka është e mundur për të rikthyer në mbledhje këshilltarët e PS. “Ky nuk është një gjest i përshtatshëm për Këshillin Bashkiak dhe shpresoj të arrihet në një mirëkuptim. Duhet të sigurojmë pjesmarrjen e tyre në përputhje me ligjin dhe normat e caktuara. Jam kundër akteve të pahijshme dhe tonet e larta nuk i shërbejnë mirëkuptimit”, tha Basha.

Pas një pushimi të mbledhjes, punimet e Këshillit Bashkiak rifilluan ndërsa më pas edhe përfaqësuesit e opozitës u rikthyen në sallë.

(im/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31