Vuan nga zemra dhe klaustrofobia, Erzen Breçani kërkon të lirohet nga paraburgimi, GJKKO refuzon

TIRANE- Gjykata e Posaçme Antikorrupsion rrëzoi sot kërkesën e ish zv/drejtorit të policisë së Tiranës Erzen Breçani për ndryshimin e masës së sigurisë nga “arrest me burg”, në një masë tjetër më të butë, me pretendimin se i rrezikohej jeta në qeli për shkak të gjendjes shëndetësore.

Për Breçanin u paraqën dy akte nga ekspertët dhe të dyja u rrëzuan nga togat e zeza.

Ai pretendonte se kishte probleme me zemrën dhe se vuante nga klaustrofobia por në përfundim, GJKKO vendosi që Breçani të qëndrojë në qeli deri në përfundim të hetimeve.

Ish zëvëndës drejtori i policisë së Tiranës, Erzen Breçani u arrestua në 20 nëntor 2023 me urdhër të Prokurorisë së Posaçme Antikorrupsion,nën dyshimin se ishte pjesë e një grupi të strukturuar kriminal të trafikut të drogës dhe se ka kryer veprën penale “ përkrahje e autorit të krimit” dhe “pastrim parash”. SPAK lëshoi 11 urdhër-arreste . dhe përveç Breçanit, u arrestuan edhe Dedan Gjoni ish shefi i krimeve në komisariatin numër 6, Bujar Ajeti si dhe Besmir Murtati. Po ashtu në Spanjë u arrestua Ismail Zeneli,

Ndërkohë detyrim paraqitje, u caktua për Jonida Babameto, oficere e Drejtorisë së Kufirit dhe Emigracionit. Në kërkim janë Ervin Mata, Artan Sulejmani, Albert Prenga, Bajram Grabova dhe Eralbi Breçani, të akuzuar për trafik droge nga Amerika Latine drejt Europës. 

G.K/S.G/Shqiptarja.com

TAG:
• eralbi brecani
• arrestohet erzen brecani
• Erzen Breçani
• ervin mata
• eralb brecani
• GJKKO