Kërkoi strehim politik, Agron Tufa u zgjodh në mënyrë të paligjshme në krye të ‘Krimeve të Komunizmit’, ISKPK ‘han pa porta’, abuzime me tendera e falsifikime 

Kërkoi strehim politik, Agron Tufa u zgjodh në mënyrë të paligjshme në krye të ‘Krimeve të Komunizmit’, ISKPK ‘han pa porta’, abuzime me tendera e falsifikime 

Agron Tufa

Në dhjetor të vitit 2019, Agron Tufa dha dorëheqjen si drejtor ekzekutiv i Institutit për Studimin e Krimeve dhe pasojave të Komunizmit në Shqipëri (ISKPK), ndërsa u largua nga Shqipëria duke kërkuar azil politik në Zvicër. Pas një përplasje në distancë me Spartak Brahon, Tufa pretendoi se kërkoi strehim politik për shkak të kërcënimeve që ka marrë dhe pasiguria për jetën e tij dhe të familjes se tij në vendin tonë. Tufa u zgjodh Drejtori Ekzekutiv i ISKK-së me 7 vota pro nga anëtarët e bordit, në 15 mars 2018. Pas katër vitesh zbulohet se z. Tufa është zgjedhur ekzekutiv i Institutit për Studimin e Krimeve dhe pasojave të Komunizmit në Shqipëri në mënyrë të paligjshme dhe arbitrare.

Në një raport të Kontrollit të Lartë të Shtetit, për auditimin e veprimtarisë së Institutit për Studimin e Krimeve dhe pasojave të Komunizmit në Shqipëri (ISKPK) dhe Institutit të Integrimit të Ish të Përndjekurve Politikë, për periudhën janar 2018 deri në qershor 2022, thuhet procedura e zgjedhjes së Tufës si drejtor ekzekutiv i ISKPK nuk është bazuar në një rregullore dhe për më tepër një anëtar ka marrë ‘pjesë’ në mbledhje përmes telefonit, ndërsa një tjetër përmes skype. Gjithashtu nuk ka pasur as shpallje kandidature.

Kontrolli i Lartë i Shtetit ka konstatuar se ISKPK ka funksionuar si ‘han pa porta’. Shumica e dokumentacionit hyrës në ISKK nuk është i vulosur në protokoll. Në procesverbalet e mbledhjeve të Bordit Drejtues në thuajse 98% të rasteve mungojnë firmat e anëtarëve. Pra, veprimtaria reflektohet mbi dokumentacion fals. Gjithashtu, janë konstatuar vendime të bordit pa numër, duke sjellë pasoja. Në raport konstatohen shkelje të rënda sa i takon kolonës së botimeve, ndërsa lidhur me mënyrën e organizimit të konferencave nuk ka një akt nënligjor ku të bazohet ky proces.

Gjatë periudhës 2018-2022, KLSH ka konstatuar abuzime me procedurat tenderuese, ku janë në tre raste shpallur fitues subjekte që nuk plotësojnë kriteret. Gjithashtu, dosjet e personit janë të mangëta. Nga auditimi nuk rezulton të jenë nxjerr përgjegjësi apo të jenë marrë masa administrative në lidhje me vendimet gjyqësore për largimet nga puna në kundërshtim me ligjin.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mergimtari: 01/06/2023 07:56

    Ky insitut eshte i gjithi i paligjshem.Pse? Ne arkivat e cdo ministrie te asaj kohe cdo gje ishte evidentuar me dokument shkresor dhe s'kishte nevoj per nje institucion te tille per harxhimin e parave te shqiptareve.Ne krye te veprimtarise te atij institucioni(te pa nevojshem)duhet te ishin studijues te afirmuar me vlera(jo si Tufa i pa njojtur).Duhet te ishte nje person i pa anshem e jo nje partiak i devotshem e abuzues. Kush e mban pergjegjesin per demet e shkaktuara,historike,njerezore e materjale?Apo eshte bregu i rremujes,vidh e mashtro?Po ata qe kane "VOTUAR" cfar fature kane per demet?Shtet rumpalle e mashtrues.

    Përgjigju
  • Iris: 01/06/2023 02:27

    Se mos eshte /han pa porta/vetem ISKPK! Ne fakt duhet audituar e gjithe org.e isht te perndjekurve politike per te gjitha shkeljet qe kane bere keto 32 vjet.Une vete kisha ne fakultet, ne degen ku studioja ne UT, nje djale qe e pranonte hapur qe e kishte marre te drejten per te vazhduar universitetin si i perndjekur politik megjithese e thoshte vete qe familja e tij nuk ishte e tille.Po sa raste te tilla ka,kur kriminele ordinere,apo spiune,etj, kane marre privilegje duke dale si /te perndjekur politike/.Kjo pune u be si atehere kur ndodhi lufta e Kosoves dhe shqipot ngryseshin shqiptare e gdhiheshin kosovare per te marre lejeqendrimi ne perendim.

    Përgjigju
  • gasper: 31/05/2023 21:15

    Gjalle qenka ky miu i kanaleve.

    Përgjigju
    • Tahip: 31/05/2023 22:14

      Tw lumte dora, fiks mi kanalesh

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot