POP 5

Lajmet më të lexuara të 5 minutave të fundit

Kronikë

Pas intervistës ekskluzive të drejtorit të Burgjeve për Report Tv që kundërshtoi lirimin se nuk është rehabilituar, Zani Caushi tërhiqet nga kërkesa

Intervista ekskluzive e drejtorit të Burgjeve Agim Ismaili në Report Tv ku kundërshtoi lirimin nga qelia të Zani Caushit, por edhe refuzimi nga prokuroria ka bërë që i forti i Vlorës të tërhiqet nga kërkesa për lirimin. Tërheqja, avokati i Caushit: Pretendon që një pjesë e paraburgimit nuk i është llogaritur

Myrteza Caushi nuk do të dalë nga burgu me kusht. I forti i Vlorës në seancën e sotme në gjykatën e Korçës u tërhoq nga kërkesa për lirimin me kusht që kishte bërë. Fillimisht Caushi kërkoi që t'i njihet dinamika e gjykimit, me argumentin se ka kryer 3/4 e dënimit.

"Kam bërë 31 vite burg" u shpreh Caushi. Por në mes të seancës, Caushi vendosi në mënyrë surprizë që të linte në mes betejën e nisur me drejtësinë duke u tërhqeur nga kërkesa për lirimin me kusht. Në dijeni të kësaj lëvizje nuk ishte në dijeni as avokati i tij. 

Edhe pse prokuroria sot nuk arriti që të shprehej, Report Tv mësoi dje se organi i akuzës ishte kundër kërkesës, ashtu sikur edhe drejtoria e Burgjeve, ku Agim Ismaili tha se Caushi nuk është rehabilituar, prandaj duhet të qëndrojë në qeli në Drenovë, ku u transferua nga Burreli në 2011.

Pikërisht ky fakt duket se ka ndikuar që Caushi të tërhiqej, teksa gjyqtari Selaudin Pysqyli i vendosi vulën duke e cilësuar si të papranueshëm kërkesën për lirimin me kusht dhe pushuar çështjen. 

Avokati i Zani Caushit, Arben Lena shpjegoi tërheqjen e klientit të tij nga kërkesa për lirimin me kusht. "Nuk ishte e parashikuar nga ana ime, e morëm në momentin e fundit. Në lidhje me shkakun e tërheqjes ka të bëjë më përllogaritjen e viteve të burgimit, pretendon që një pjesë e paraburgimit nuk i është llogaritur. Pasi të bëhet edhe llogaritja do të shikojmë.

Normalisht veprimi i ligjit penal është në kohë, nëse Zani Caushi është dënuar me një ligj penal të vitit 2000 është në funksion ai ligj penal, jo ai i 2020, që nënkupton që lirimi me kusht në vitin 2000 ka qenë me 25 vite. Ka pasur një masë disiplinore, ka bërë ankim, normalisht edhe ai gjykim vazhdon.

Ka pasur një konflikt të vogël me dikë. Dosja e Zani Caushit është komplekse, është trashëgimi nga çmenduria kolektive e 1997, ku janë ndërthurur shumë faktorë. Cdo i dënuar përjetë, të cilët janë dënuar nëse mbushin 25 vite dhe kërkesat specifike kanë të drejtë të kërkojnë lirimin me kusht" tha ai.

Seanca e sotme u zhvillua nën masa të rrepta sigurie. Të gjitha rrugët që të çonin në gjykatën e Korçës u bllokuan nga policia, që rrethoi të gjithë zonë. Caushi qëndron në burgun e sigurisë së lartë në Drenovë të Korçës ndërsa ndaj tij rëndon dënimi me burg përjetë për vrasje, trazirat e 1997 dhe grup kriminal.

1594645777_zanicaushi.jpg

Myrteza Caushi

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhimi: 18/07/2020 11:55

    Treguat veten se kush jeni

    Përgjigju
  • Ojoj: 17/07/2020 13:23

    Po perse nuk e lat te lire..? Prap julian metushin do kemi drejtor ne kadastren vlore.. hall i madh per hallexhinjt.

    Përgjigju
  • Trimat: 17/07/2020 13:07

    Trimat nuk kerkojn meshir po qendrojn si burrat deri ne fund....

    Përgjigju
    • Cole: 17/07/2020 14:03

      Jo jo trima të till kërkojnë sapun..

  • Lesh arapi: 17/07/2020 10:56

    Hedh nje budalla nji gure ne lume, dhe sulen 100 te mençur qe ta nxjerin prej andej... Pje*dh Xani e leviz i gjithe shteti...turp. Pastaj Xani thote qe po*dha me shpetoi pa dashje... Po gjithe kostot e kesaj po*dhe kush i paguan? Taksapaguesi qe punon si legen gjith diten per te qene qytetar i mire... Ka kosto te madhe te jesh i mire ne shqiperi...

    Përgjigju
    • vlonjati: 18/07/2020 08:45

      NUK QUHET XANI POR ZANI...XANI PERDORET KUR DIKUSH I ZE TOKEN DIKUJT TJETER.DHE SHKRUHET TOK E XANUN...DHE SA PER SHPENZIME...GJYQI I ZANI CAUSHIT NUK KA JUSHTUAR FARE.SE 2000 E DENUAN DIREKT ME BURGIM TE PERJETSHE.SHPENZIME KISHTE GJYQI LUL BERISHES.QE ZGJATI ME VITE.DHE TAKSAPAGUESIR SHQIPTAR PAGUAN DHE DESHMITARIN E DREJTESISE...KU I ESHTE SIGURUAR DHE FAMILJA ME BANES DHE RROGE...DHE NE FUND LUL BERISHA PO BREDH I LIRE NEPER EVROPE...PRA KETO JAN SHPENZIME KOTI NGA ANA E TAKSAPAGUESVE SHQIPTAR...SE SHOF SE PO TE VIKA KEQ TY PER TAKSAPAGUESIT....

    • Tirona: 17/07/2020 13:05

      Per at pjesen e fundit jam shum n dakort, por meret parasysh qe ne greqi ka denim me burg per jet dhe esht arratisur mund t ndodhte e njejta gj

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gili dhe Redoni tërhiqen nga gara, Egli në lot, ja si reaguan banorët e tjerë

Gili dhe Redoni tërhiqen nga gara, Egli në lot, ja si reaguan banorët e tjerë

26 Dhjetor, 14:58