'Kësaj pune i ka vdek nona', Rama-Metës: Unë thashë të bashkëpunoj me opozitën se opozitë jeni dhe do mbeteni! Luli s'thotë dot po se i heqin bateritë

Kryeministri Edi Rama i është përgjigjur presidentit Ilir Meta i cili komentoi propozimin e tij ndaj Bashës për bashkëpunim pas zgjedhjeve. Duke bërë ironi Rama tha se kërkesën për bashkëpunim e kishte për opozitën, duke theksuar se ata janë në opozitë dhe do të mbeten në opozitë. Për Bashën, Rama tha se ai nuk i thotë dot po kësaj marrëveshje sepse i heqin bateritë. Në fund kryeministri tha prerazi se do apo s'do opozita ai do ta bëjë këtë vend.

"E patë ça bëri Iliri se ma thanë tani, e thoshte luli po të dojë ta bëjë tani atë marrëveshje. Unë dje i thashë jam i  gatshëm të bashkëpunoj me opozitën  sepse ata janë në opozitë dhe do të vazhdojnë të jenë në opozitë.  Nëse është e mundur të shikojmë përtej ndasive politike pse jo, por ama thashë me një kusht që Luli të ndahet nga Saliu dhe Iliri, nga çelësat që e kurdisin se janë 2. Po Luli nuk thotë dot po sepse i heqin bateritë, është kukull me bateri sepse vetëm një kukull me bateri mund të jetë njëherë spiderman njëherë borëbardhë.  E përsëris është e rëndësishme të shkojmë përtej politikës, është e rëndësishme që politikanë ttë japin provën se mund të shkojmë përtej politikës. Duan s'duan ata ne do ta bëjmë këtë vend kësaj pune i ka vdek nona", tha Rama.

Lajmi kryesor:

Rama nga Lezha i kujton shqiptarëve 1997-n: Basha, një 'Rrapush Xhaferr' i veshur si dhëndër! Nuk i thotë dot 'po' bashkëpunimit se është kukull me bateri, dhe Saliu e Iliri i heqin bateritë

/r.k./Shqiptarja.com

TAG:
• edi rama
• PS
• Lezhe
• Lindita Nikolla
• fushata elektorale
• zgjedhjet parlamentare 2021
• Ftesa e Rames per Bashen