POP 5

Lajmet më të lexuara të 5 minutave të fundit

Ekonomi

KESH nuk paguan energjinë nga HEC-et

Një hidrocentral vendor, që ka lidhur kontratë me Korporatën Elektroenergjetike Shqiptare për shitjen e energjisë e prodhuar prej tij e që e ka hedhur në rrjetin kombëtar, ka fituar procesin gjyqësor për pagimin e 220 milionë lekëve të vjetra, të cilat nuk ia paguante KESH-i
KESH nuk paguan energjinë nga HEC-et
TIRANE- Korporata Elektroenergjetike nuk ka para as për të paguar produktin e blerë nga HEC-et e vegjël, që janë ndërtuar nga privatët, në kushtet e një krize të pashoqe financiare. Muajin e kaluar, HEC-i i Tërvolit i është drejtuar Gjykatës së Rrethit Gjyqësor Tiranë me një kërkesë, me anë të së cilës kërkonte lëshimin e urdhërit të ekzekutimit për titullin ekzekutiv, faturë tatimore e shitjes (blerjes) së energjisë elektrike, datë 03.02.2012. Pala kërkuese është një shoqëri koncensionare, që zbaton koncensionin e formës “ndërtim, operim, transferim” të hidrocentralit Tërvol, Komuna Pishaj, Elbasan, në bazë të kontratës me Ministrinë e Ekonomisë, Tregtisë dhe Energjetikës, të lidhur në gusht 2007. Në bazë të kontratës së lidhur me këtij HEC-i dhe KESH-it, Tërvoli i shet energjinë elektrike që prodhon KESH-it, kundrejt pagesës dhe pagesa bëhet brenda 30 ditëve nga dita e pranimit të faturës nga blerësi. Në fakt, për prodhimin e muajit janar 2012, megjithëse HEC-i privat ka lëshuar faturën tatimore të shitjes së energjisë elektrike më 3 mars, me vlerë 22.36 milionë lekë dhe kjo faturë është pranuar pa asnjë vërejtje nga blerësi KESH, nuk është paguar nga Korporata. Në këto kushte, Tërvoli i është drejtuar gjykatës me kërkesë për lëshimin e urdhrit të ekzekutimit të faturës, duke e konsideruar atë si titull ekzekutiv. Gjykata ka vendosur pranimin e kërkesës, duke urdhëruar lëshimin e urdhrit të ekzekutimit për titullin ekzekutiv faturë tatimore e shitjes së energjisë elektrike Nr. 27, datë 03.02.2012, me nr.serie 69595131, lëshuar nga HEC-i Tërvolit SHPK, për debitorin KESH SHA. Njëkohësisht, Gjykata ka urdhëruar që Shërbimi Përmbarimor të ekzekutojë këtë vendim.
Kriza
Çmimi i përcaktuar për këtë vit nga Enti Rregullator për HEC-et me koncensionet e reja, bazuar në metodologjinë që mbështetet mbi çmimet e importit të vitit paraardhës, është shumë i lartë: 9.3 lekë/kilovatorë ose 34.9 për qind më i lartë se çmimi i 2011-s. Ndërsa për çmimin e HEC-eve private/koncesion të vjetër ka një tendencë të qëndrueshme në rritje, çmimi për HEC-et me koncension të dhënë pas vitit 2007 ka luhatje, që mund të frenojë nismën e investitorëve për të investuar në këtë sektor. Kjo, sipas Entit Rregullator të Energjisë ka sjellë nevojën e përcaktimit të një çmimi të unifikuar dhe të qëndrueshëm të paktën për një periudhë 10-vjeçare të HEC-eve me kapacitet deri në 15 megavat, pavarësisht nga natyra e pronësisë. Problemi është se, aktualisht, KESH-i është në borxhe shumë të mëdha për vete. Por, vendimi i gjyqit do të zbatohet pa asnjë mëdyshje nga Përmbarimi.
(sg/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura

Itali/ ‘Skifter’ dhe shpërndarës droge, në pranga 39-vjeçari shqiptar! I gjenden armë, kokainë, hashash, valutë, pajisje dhe materiale të vjedhura

24 Nëntor, 21:21