POP 5

Lajmet më të lexuara të 5 minutave të fundit

Politikë

Këshilli Euroatlantik i PD shqetësime: Na janë vonuar fondet, kemi bërë fushatë pa financime! Dënojmë shitblerjen e votës

Këshilli Euroatlantik i PD-së ka shprehur shqetësime për disa çështje. Ndër to, kreu i këtij Këshilli, Preç Zogaj ka përmendur vonesat e financimeve të fondeve për PD. Kjo ka bërë që sipas tij, të bëhet fushatë pa financimet përkatëse

Këshilli Euroatlantik i PD-së ka shprehur shqetësime për disa çështje. Ndër to, kreu i këtij Këshilli, Preç Zogaj ka përmendur vonesat e financimeve të fondeve për PD. Kjo ka bërë që sipas tij, të bëhet fushatë pa financimet përkatëse.

“Vlerësojmë  dhe mbështesim fuqishëm fushatën elektorale të Partisë Demokratike në të cilën drejtuesit e saj nga baza në qendër me Enkelejd Alibejn në krye, kandidatët e saj me Roland Bejkon në Tiranë si zëri i tyre me përfaqësues, anëtarët dhe simpatizantët e saj në  mbarë vendin, po shpalosin me qartësi dhe  vendosmëri alternativën e një opozite të vlerave perëndimore dhe kombëtare të qendrës së djathtë dhe të një Partie Demokratike të hapur e të reformuar me shikimin nga e ardhmja.

-Denoncojmë cënimin e barazisë në zgjedhje, shprehur edhe në vonesat ektreme të qëllimshme për livrimin e fondeve për fushatën elektorale të PD-së, çfarë ka bërë që praktikisht  kjo parti të fushatojë deri në fund pa financimet që i jep ligji, në kontrast të stërmadh me fushatat publicitare shumë të kushtueshme, me financime jotrasparente, të  Partisë Socialiste  dhe kualicionit “Bashkë fitojmë”.- tha ai

Ndër shqetësimiet e tjera, Zogaj ka theksuar edhe shitblerjen e votës si problematike, duke marrë shkasë nga arrestimi i Fredi Beleri.

“-Denoncojmë përdorimin në çfarëdo lloj forme të buxhetit të shtetit nga partia në pushtet për orientimin  dhe kushtëzimin e votës së qytetarëve, sidomos në formën e  thirrjes për të votuar PS që  të marrin investime, një koncept fyes për qytetarët që  godet në bosht decentralizimin dhe autonominë vendore.

-Shprehim shqetësimin e thellë për rastet e  shitblerjes së votës, që në  intensifikimin e tyre në ditët e mbetura të fushatës do të rrezikonin  shndërrimin e zgjedhjeve nga  festë në farsë të turpshme që i intereson vetëm kriminalizmit të politikës.

-Theksojmë se normalizimi i përdorimit të administratës dhe  makinerisë shtetërore  në  zgjedhje për llogari të Partisë Socialiste me justifikimin  se na lejohet gjithçka meqë një pjese të opozitës i janë mbyllur dyert në SHBA dhe Europë, është e papranueshme dhe shumë e dëmshme për demokracinë, për vendin. Asgjë nuk e justifikon shkatërrimin e standarteve zgjedhore euroatllantike.

-Ripohojme se zgjedhjet e 14 majit, megjithëse vendore, janë  si asnjëherë tjetër, zgjedhje politike dhe gjeopolitike gjithashtu. SHBA, Europa, Perëndimi po na shohin me kë janë zgjedhësit shqiptarë tani.

-Përsërisim thirrjen drejtuar  zgjedhësve pa dallim- demokratë, pa parti, të pavendosur-, elektoratit gri, njerëzve të lirë e të fortë të marrin pjesë masivisht në zgjedhjet e 14 majit, të votojnë kandidatët e  Partisë Demokratike, të votojnë numrin 9 në fletën e votimit për këshilltarë, ti japin mundësi kësaj partie të mbetet një forcë politike vitale, të ringrihet, të reformohet, modernizohet  dhe riniset si alternative perendimore dhe kombëtare e rrotacionit  sa më të shpejtë  të pushtetit në Shqipëri.”- tha ai

Këshilli Euroatlantik i PD përbëhet nga 11anëtarë, ish themelues të PD e kontribues të saj ndër vite.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12