POP 5

Lajmet më të lexuara të 5 minutave të fundit

Ekonomi

Këshilli Kombëtar i Territorit miraton lejet e ndërtimit për 13 hotele e resorte në bregdet, 7 prej tyre në Himarë

Përgjatë bregdetit shqiptar do të ndërtohen 13 hotele dhe resorte të reja, me fokus sektorin e turizmit. Ndërtimet do të nisin nga Himara deri në Lezhë. Lejet e janë miratuar nga Këshilli Kombëtar i Territorit, i cili në total ka miratuar 47 leje për ndërtime dhe rikonstruksione.

13 hotele, resorte dhe struktura të tjera akomoduese me fokus turizmin do të ndërtohen përgjatë bregdetit shqiptar. Lejet e ndërtimit janë miratuar nga Këshilli Kombëtar i Territorit në mbledhjen e 17 marsit, ku përfshihet dhënia e aprovimit për të ndërtuar 7 resorte e hotele në Himarë, 2 në Palasë ndërsa pjesa tjetër do ndërtohet në Dhërmi, Durrës dhe Lezhë. Po ashtu Këshilli Kombëtar i Territorit ka miratuar edhe rikonstruksionin e një Bujtine me vendndodhje në Bashkinë Tropojë, si dhe ndërtimin e një bujtine tjetër në Gjilekë të Vlorës.

Në mbledhjen e javës së kaluar KKT ka miratuar në total 47 vendime, ku përveç hoteleve dhe strukturave të tjera akomoduese, janë aprovuar lejet e ndërtimit për “Restaurimin, rikonstruksionin dhe rehabilitimi i hapësirave në Muzeun Kombëtar të Arteve të Bukura” si dhe “Restaurimin, rikonstruksionin dhe rinovim të Sallës së Koncerteve në Universitetin e Arteve në Tiranë”, të dyja me zhvillues Ministrinë e Kulturë.

Sa i takon infrastrukturës rrugore me rëndësi janë “Ndërhyrjet në infrastrukturë në “Syrin e Kaltër”, në Bashkinë Finiq”, me zhvillues Agjencinë Kombëtare të Zonave të Mbrojtura. Ky destinacion turistik preh vitesh ka pasur probleme me infrastrukturën por mesa duket këtë sezon veror do të jetë më lehtë i aksesueshëm.

Po ashtu është miratuar edhe vendimi për ndërtimin e rrugës Porto-Romano  Loti 3 nga Autoriteti Rrugor Shqiptar. Ky vendim pas disa dështimesh në tenderat e hapura për këtë objekt.  Leje ndërtimi janë dhënë edhe për Bashkinë e Tiranës, për ndërtimin e tre shkollave.  Pjesë e vendimeve kanë qenë edhe projektet energjetike, ku është aprovuar nisja e testimeve në Shpirag 4, si dhe ndërtimi i dy parqeve fotovolatike në Fier.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • beni: 07/08/2024 19:02

    DUHET TE KISHIT DHENE JO 70 POR 700 LEJE PER HOTELE E RESORTE NE BREGDET,,POR ATO TE JENE NE PERPUTHJE ME PLANET URBANISTIKE TE BREGDETIT..JO KUTURU....

    Përgjigju
  • Iris: 25/03/2021 02:32

    KKT i ka mbetur ora ne vitet 90'.Shijet turistike te sotme kane ndryshuar.Sot preferohet eko-turizmi .Shpresoj qe nje dite te kete reagime, per mbrojtjen e virgjerise se bregdetit( per cfare mund te kete mbetur e paprekur),ashtu sic ka tani per Vjosen !!

    Përgjigju
  • Hola: 25/03/2021 01:58

    Te mos zihet asnje cm rere,, te mos pritet asnje peme...distanca te jete 30 m larg njeri -tjetrit..dhe jo me shume se 5 kate...

    Përgjigju
  • Vemja: 24/03/2021 21:25

    E pushtuan rivieren me resorte. Dhe cfare resortesh se, ne toka publike dhe qe u jepen njerzve te tyre qe po ashtu kane bere kerdine me parate tona publike. U pafte zoti si ju sot ashtu dhe ato qe qeverisnin dje, vemje.

    Përgjigju
  • Gim: 24/03/2021 21:18

    Bukuria e natyres se vendit tim po mbaron..,

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ngjarja më e pabesueshme dhe e jashtëzakonshme, në një Krishtlindje

Ngjarja më e pabesueshme dhe e jashtëzakonshme, në një Krishtlindje

25 Dhjetor, 14:03 nga Enver Robelli