Këtë lule e hasim kudo dhe nuk ia paskemi ditur vlerat! Ja si të shfrytëzoni vetitë kurative nga diabeti tek mëlçia, dhimbja e kokës, pastrimi i parazitëve...

Me siguri këtë lule e keni hasur kudo. Në rubrikën “Bima dhe Shëndeti” në emisionin “Rreze Dielli” në Report TV, flasim për një bimë shumë të veçantë "top akulli”, që ndoshta e kemi në oborrin e shtëpisë, por vlerat dhe dobitë nuk ia dimë. Në vendin tonë kjo bimë njihet me disa emra që janë krahinore, në zonën e Shkodrës njihet si gjethja e babanikut, ndërsa zona e jugut e njeh si bari i veshit, duke qenë se xheli që mban gjethja e kësaj bime kur shtypet qetëson dhimbjen e veshit. Në latinisht përkthehet bima e përjetësisë përshkak të jetëgjatësisë që kjo bimë ka në rritjen e saj si dhe për vlerat e mëdha shëndetësore, duke qenë se xheli që ndodhet në brendësi të gjethes përmban acide organike dhe flavonole duke bërë që kjo bimë të ketë veti të fuqishme antibakteriale dhe të vrasë të gjitha infeksionet që mund të na zhvillohen mbi lëkurë. Specialisti i bimëve mjekësore tregon si të përdorim këtë bimë në trajtimin e shumë problematikave shëndetësore.    

Nëse keni kruajtje apo irrititim të lëkurës me xhelin e gjethes së kesaj bime mund të lyeni pjesën problematike dhe do t’ju qetësohet menjëherë. Gjithashtu është shumë efikase për lungat, gjendrat dhjamore apo limfomat, për të cilat është përdorur masivisht vite më parë” thekson Merja, i cili rekomandon që për një trajtim më të mirë për limfomat xhelin e kësaj bime ta bashkojmë me pak uthull molle. Kjo bimë ka veti që të mbyllë çdo çarje, puçrra apo plagë operacioni. Vetëm kujdes, duke qenë se përmban shumë acide organike duhet patur kujdes në përdorimin e saj.

“Xheli i kësaj bime është mirë që të merret dhe të qëndrojë 3-5 ditë në një vend të errët, më pas e bashkojmë me bimë të tjera për të fuqizuar të gjitha vetitë e saj dhe t’a përdorim në trajtimin e një sërë problematikash” sqaron Merja. Kjo bimë është e mrekullueshme për njerëzit që janë me diabet, duke qenë se xheli i saj ka veti që të ngushtojë ose të bëjë të mundur që qimet thithëse të mos zgjerohen në zorrët e holla dhe të trasha dhe të kapin molekulën e sheqerit e ta fusin në gjak duke bërë që glicemia të mos rritet edhe pas konsumimit të sheqerit. Diabetikët duhet ta përdorin në këtë mënyrë, tregon Merja: këpusim 2-3 gjethe, i hedhim në një xhezve, shtojmë një copë kanelle dhe i përvlojmë me një gotë ujë. E lëmë disa orë dhe më pas e konsumojmë si çaj, një filxhan kafeje. Kujdes, nuk duhet tepruar me dozën pasi mund të na japë pak marramendje. Gjithashtu kjo përzierje është shumë e mirë dhe për tretjen, ndikon në vendosjen në lëvizje të zorrëve, stabilizon gjithashtu edhe aciditetin në stomak. Ndërsa për personat që kanë një ndezje mëlçie, apo kanë një hepatit viral dhe i rri goja si e thatë, mund të marrin 100 gr nga gjethet e kësaj bime, një kokërr limoni, i lajnë me pak ujë me sodë dhe i vendosin në një grirëse, bëhet një masë xhelatinoze ku shtohet më pas dyfishi i sasisë së mjaltit. Për problematikat e hepatitit të mëlçisë kësaj mase i shtojmë dhe pak lule ake të bluar dhe pak gjemb gomari rreth 1 lugë gjelle. E lëmë në një vend të errët 3 deri në 5 ditë dhe konsumohet fillimisht 3 lugë çaji në ditë dhe më pas shtohet deri në 3 lugë gjelle në ditë. Kjo kurë mund të përdoret rreth 1 muaj - 1 muaj e gjysëm.

LEXO EDHE:
Dëllinja 'ilaç' për shpirtin dhe shëndetin / Ylli Merja: Ja si ta përdorni mrekullinë kurative të natyrës

Duke qenë se kjo bimë ka veti antioksidante nxit largimin e ujit të tepërt nga organizmi duke luftuar dhe kistet në gjoks, tiroide apo vezore. Këtë bimë e bashkojmë me betula alba, gjuhënusen, limonin dhe mjaltin dhe pak karafil të bluar. Veprojmë me këtë përgatitje njësoj me gramaturat si në rastin e mësipërm dhe e lëmë 4-5 ditë, më pas e konsumojmë pak e nga pak.

Kjo bimë gjithashtu është shumë e mirë në kozmetikë për një lëkurë elastike dhe gjithë shkëlqim, për puçrrat apo mykun në lëkurë. Për këtë të fundit, e kombinojmë me pak hudhër dhe disa pika vaj rigoni dhe me çajin shpëlajmë zonën problematike. Ndërsa për dhimbjet e kokës e bashkojmë me pak bar blete dhe petale trëndafili dhe sjell efekt të menjëhershëm. Topi i akullit ose bari i veshit përdoret dhe për pastrimin e parazitëve duke përzier rreth 100 gr lule akulli, 100 gr limon, 200 gr mjaltë, 1 lugë gjelle fara kungulli të bluara dhe finok të bluar. Shtojmë dhe pak rrënjë shegë të egër të bluar dhe pasi e kemi lënë 3-4 ditë e konsumojmë 2 lugë në ditë.

MC/Shqiptarja.com

TAG:
• Dobite shendetesore te bimes topakulli
• Bima dhe Shendeti
• ylli merja
• intervista
• rreze dielli