POP 5

Lajmet më të lexuara të 5 minutave të fundit

Ekonomi

Këtë vit mbyllet rindërtimi në Vorë, Kavajë e Rrogozhinë! 22 pallate në Krujë gati për qytetarët në dhjetor, 6 mijë familje kanë marrë çelësat e banesave të reja

Brenda këtij viti pritet të mbyllet rindërtimi në Kavajë, Rrogozhinë dhe Vorë, ndërkohë që ende nuk ka afat për rindërtimin në Durrës dhe Lezhë. Deri më tani janë dorëzuar 6 mijë banesa të reja, ndërkohë që brenda dhjetorit mbyllen punimet për 22 pallate në Krujë.

Procesi i rindërtimit në Kavajë, Rrogozhinë, Vorë dhe Krujë mbyllet brenda këtij viti, ndërsa nuk ka ende një datë përfundimi për rindërtimin në Durrës dhe Lezhë.

22 pallatet që po ndërtohen në Bashkinë e Krujës, do të jenë gati të presin banorët përpara festave të fund vitit.

“Do mbarojë deri në 31 dhjetor, të 22 pallatet... Mbyllini infrastrukturën e përbashkët”, tha Rama.

Po në këtë bashki po bëhet edhe sistemi kapot për 43 pallate.

Për këtë vit janë planifikuar të shpenzohen për rindërtimin rreth 169 milionë euro, ndërkohë sipas shifrave të Ministrisë së Financave në total prej nisjes së rindërtimit janë shpenzuar 890 milionë euro.

Aktualisht janë 6 mijë familje që kanë marrë çelësat e banesave të reja. Ndërkohë deri më tani ka përfunduar ndërtimi i 3500 apartamenteve, 2200 banesa individuale si dhe janë rindërtuar 143 shkolla.

M.T/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, sa cilësor është shërbimi në spitale shtetërore?

Lajme të tjera



×

Lajmi i fundit

Apeli dënoi Belerin, kreu i FRESH në Himarë kërkesë KQZ: Shpall pavlefshmërinë e mandatit, të mbahen zgjedhjet e reja

Apeli dënoi Belerin, kreu i FRESH në Himarë kërkesë KQZ: Shpall pavlefshmërinë e mandatit, të mbahen zgjedhjet e reja

26 Qershor, 17:51