Kharkiv nuk gjen qetësi, bombardime në zonat e banuara, 9 të vrarë, përfshirë një foshnje 5 muajshe

Nëntë persona, duke përfshirë një foshnjë 5-muajshe, u vranë në Kharkiv të enjten mes "granatimeve të dendura" në zonat e banuara pranë qendrës së qytetit, sipas Oleh  Synyehubov, kreu i administratës ushtarake të rajonit Kharkiv.

“Në mesin e të vrarëve ishte një familje që thjesht po ecte në rrugë një burrë mbante në duar foshnjën e tij pesë muajshe, e cila i  vdiq në duar. Nëna e kësaj foshnje është plagosur rëndë dhe tani është në spital”, tha Synyehubov.

LEXO EDHE:
Biden nënshkruan paketën e ndihmës për Kievin: 'Dërgesa fillon menjëherë'! Raketat amerikane mbërritën fshehurazi në Ukrainë

Ai përshkroi gjithashtu artilerinë e përdorur dhe tha se shënjestrimi i zonave të banuara në qytetin e dytë më të madh të Ukrainës mund të ishte vetëm për qëllimin e "terrorizimit" të banorëve vendas.

"Armiku granatoi me MLRS SMERCH dhe URAGAN dhe me artileri, modifikimi i të cilave po bëhet tani nga ekspertët tanë ushtarakë. Sipas të dhënave që disponojmë, granatimet janë kryer nga veriu i rajonit, ku trupat tona mbajnë pozicionet e tyre dhe duke e shtyrë ngadalë armikun drejt kufijve. Kjo ishte një zonë vetëm banimi, kështu që qëllimi i këtij granatimi mund të ishte vetëm terrorizimi i banorëve vendas”, tha ai. 

Zyrtari shtoi se ishin rrethet Shevchenkivskyi dhe Kyivskyi të Kharkivit që ishin "granatuar dendur". Ai tha se përveç të vrarëve, 19 kanë mbetur të plagosur, mes tyre edhe një fëmijë 9-vjeçar.

"Deri tani forcat tona të armatosura i mbajnë fort pozicionet e tyre dhe nuk ka asnjë dyshim për kapjen e mundshme të qytetit të Kharkiv," tha ai.

Lajmi kryesor:

Lufta në Ukrainë/ Zelensky: Duhet të përballemi me realitetin, bisedimi me Putin është i nevojshëm,rrezik për katastrofë, 22 milionë tonë drithë të bllokuara

E.K/Shqiptarja.com

TAG:
• rusia sulmon ukrainen
• lufta ne ukraine
• Joe Biden
• ukraine
• vladimir putin
• Rusi
• Volodymyr Zelensky