Kim Jong tremb sërish, testimi i raketës balistike  “pushtoi” ujërat e Gadishullit mes Koresë së Jugut dhe Japonisë

Kim Jong tremb sërish, testimi i raketës balistike  “pushtoi” ujërat e Gadishullit mes Koresë së Jugut dhe Japonisë

Testim raketor i Koresë Veriore. Fotografi nga arkivi.

Koreja Veriore ka lëshuar një raketë balistike me rreze të shkurtër në ujërat lindorë të Gadishullit Korean të dielën, sipas Koresë Jugore dhe Japonisë.

Zyrtari Amerikan Pheniani e cilësoi veprimin  e Koresë së veriut si paralajmërim kundër stërvitjeve ushtarake të SHBA-së dhe Koresë Jugore.Raketa balistike besohet se ka fluturuar 800 kilometra para se të godiste shënjestrën, ka thënë ushtria e Koresë Jugore. Ndërsa Ministria e Mbrojtjes në Japoni ka thënë se raketa ka fluturuar në lartësi prej 50 kilometrash.

Seuli, kryeqyteti i Koresë së Jugut  e ka dënuar këtë testim raketor nga verikoreanët, dhe e ka cilësuar si “shkelje të qartë” të rezolutave të Këshillit të Sigurimit të Kombeve të Bashkuara.Pak pas lansimit, Ministria për Mbrojtje Kombëtare e Koresë Jugore, ka thënë se Shtetet e Bashkuara e kanë përfshirë bombarduesen strategjike B-1B në stërvitjet ushtarake që janë duke zhvilluar Seuli me Uashingtonin ditëve të fundit.

Komanda amerikane për Indo-Paqësor ka thënë se lansimi i raketës verikoreane nuk përbën kërcënim të menjëhershëm për personelin amerikan dhe aleatët e saj.

Mirëpo në deklaratë është përmendur se, megjithatë, ajo vë në pah ndikimin destabilizues të armëve të paligjshme të Phenianit. Edhe të enjten, Koreja Veriore e ka lëshuar atë që dyshohet të jetë raketë balistike interkontinentale në mes të Gadishullit Korean dhe Japonisë.

Shumë ekspertë thonë se Koreja e Veriut përdor stërvitjet e rivalëve të saj si një pretekst për të zgjeruar në mënyrë agresive arsenalin e saj bërthamor dhe aftësinë e përgjithshme ushtarake. Ata thonë se vendi synon të detyrojë SHBA-në të pranojë statusin e tyre si një fuqi bërthamore dhe të negociojë përfundimin e sanksioneve ndaj tij nga një pozicion fuqie.

Koreja e Veriut, vitin e kaluar ka miratuar ligjin për shpallje të vetes si shtet me armë bërthamore. Lideri i shtetit, Kim Jong-un, ka hedhur poshtë mundësinë e bisedimeve për çarmatosje.Pheniani zyrtar ka kryer gjashtë testime bërthamore në periudhën 2006-2017, pavarësisht sanksioneve.

Ky shtet në lindje të Azisë dënon vazhdimisht sanksionet dhe deklaron se sistemi bërthamor i duhet për qëllime të mbrojtjes.

K.T./A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet