POP 5

Lajmet më të lexuara të 5 minutave të fundit

Politikë

E akuzoi se po i bën presion gjyqtarëve të Apelit për statutin e 11 dhjetorit, Kim-Berishës: Po pengon reformën në drejtësi me kërcënime, veprimet tuaja s’janë aq të fshehura sa mendoni

Ndonëse nuk e ka përmendur me emër, mesazhi më i fundit i ambsadores Yuri Kim duket se i adresohet Sali Berishës i cili 3 ditë më parë sulmoi diplomatët duke thënë se po ushtrojnë presion te Apeli për vendimin e 11 dhjetorit. Kim bën thirrje që t’i jepet fund kërcënimit të organeve të drejtësisë, pasi reforma po jep rezultate.

E akuzoi se po i bën presion gjyqtarëve të Apelit për statutin e 11 dhjetorit, Kim-Berishës: Po pengon reformën në drejtësi me kërcënime, veprimet tuaja s’janë aq të fshehura sa mendoni

Ambasadorja e SHBA-së, Yuri Kim dhe Sali Berisha

TIRANË- “Rama dhe diplomatë të huaj po i bëjnë presion gjyqtarëve të Apelit për padinë e Enkelejd Alibeajt për statutin e 11 dhjetorit”....ishte kjo akuza e Sali Berishës në 12 prill, pas mbledhjes së grupit parlamentar demokratë...Kjo akuzë e fortë ka marrë edhe përgjigjen nga ambasadorja e Shteteve të Bashkuara në Shqipëri, Yuri Kim, e cila e ka akuzuar se po pengon Reformën në Drejtësi me kërcënime, shantazhe e shpifje! Teksa Berisha tha se për akuzat e tij ka prova, Kim i përgjigjet në të njëjtën monedhë. Ajo ia ka bërë të qartë se është në dijeni të të gjitha këtyre veprimeve të fshehta që po bën Berisha kundër Reformës në Drejtësi për të cilën SHBA ka investuar shumë fort, ndonëse nuk e ka përmendur me emër, në asnjë rreth të reagimit të saj.

Kim i bën thirrje të gjithë atyre që kërcënojnë organet e drejtësisë t’i japin fund sulmeve e shpifjeve, teksa shtoi se Reforma në Drejtësi po jep rezultate, ndonëse vijojnë përpjekjet e kundërshtarëve për ta minuar. Ajo theksoi se Presidenti Joe Biden e ka bërë të qartë që lufta kundër korrupsionit është një interes thelbësor i sigurisë kombëtare të Shtetet e Bashkuara, dhe se SHBA do të vazhdojë të mbështesë fuqishëm zbatimin e Reformës në Drejtësi në Shqipëri.

"Ndërsa reforma në drejtësi po fillon të prodhojë gjithnjë e më shumë rezultate, kundërshtarët po shtojnë përpjekjet për të minuar elementët kryesorë, përfshirë Vettingun. Ata që angazhohen në kërcënime, frikësim, shpifje, nxitje korruptive duhet të ndalojnë. Veprimet tuaja nuk janë aq të fshehura sa mendoni.

  Presidenti Biden e bëri të qartë në Studimin e Sigurisë Kombëtare Memorandumi i 3 qershorit 2021 që lufta kundër korrupsioni është një interes thelbësor i sigurisë kombëtare të Shtetet e Bashkuara. SHBA do të vazhdojë të mbështesë fuqishëm zbatimin e reformës në drejtësi në Shqipëri", shkruan Kim. 

Postimi i ambasadores së SHBA-së, Yuri Kim në anglisht

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Moli: 16/04/2022 14:40

    Po pse dujet ta ket pas per Brishen e jo Ramen?

    Përgjigju
  • Begu: 16/04/2022 13:34

    Kreprokuror i shtetit,edhe çka e sa te duhet qe,te fillosh hetimet,duke paraburgosur paraprakisht te permendurin??!!!

    Përgjigju
  • Agron: 16/04/2022 08:09

    Mendoj qe komenti ambasadores amerikane eshte nje dhe mesazh i qarte per apelin e vetingut te prokurores tiranes elisabeta ymeraj nis nga presionet per ta kaluar / me shum se sa per sali berishin

    Përgjigju
  • Ona: 16/04/2022 00:11

    Bravo moj zonje e nderuar na e hiq qafe sali e fendin se do te mar peng vendin per te mbuluar horrlliqet e tij 30 vjecare

    Përgjigju
  • Drejtësia: 15/04/2022 22:56

    Askush nuk ka për të aritur ndonjë gjë duke përdorur të dhënat e të tjerëve. Prandaj të përgatiten mirë këtej e tutje, kush do qofshin, prokuror,oficer policie apo maestro it që po ngatërojnë dynjanë me qëllim destabilizimi me ato presione që bëjnë. Secili në pozitat e veta , me meritat e veta që ligji ti mbarojë por dhe ti ndëshkojë.

    Përgjigju
  • UKU MOMLIT: 15/04/2022 20:59

    Mjeranet politikane ne Shqiperi prej mbi 30 vjetesh pasi krijuan rrëmujen morale,vazhdojne te bejne moral qofshin keta ne te ashtuquajturen opozite apo edhe ne pushtet. Neveri!

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03