Kim në takim me kreun e ri të KLP: Me rëndësi të bëhet puna me transparencë dhe standard! SHBA vazhdon mbështetjen e reformës në drejtësi

Ambasadorja amerikane në Tiranë, Yuri Kim ka zhvilluar një takim me kreun e ri të KLP, Alfredi Balla.

Duke uruar suksese në detyrën e tij të re, ajo shtoi se me rëndësi është që ky organi i drejtësisë të bëjë punën me integritet dhe transparencë për të siguruara standarde të larta. Kim shtoi se SHBA do të vazhdojë të mbështesë të gjithë elementët e reformës në drejtësi.

“U takova me Fredi Ballën për t'i uruar sukses në postin e tij të ri si Kryetar i Këshillit të Lartë të Prokurorisë. Thelbësore që HPC të bëjë punën e saj me integritet dhe transparencë për të siguruar standarde të larta dhe llogaridhënie të prokurorëve. SHBA do të vazhdojë të mbështesë të gjithë elementët e reformës në drejtësi.”, shkruan ajo.

LEXO EDHE:
Sulmet e Metës, deputetja e PS: Shqetësuese! Protesta para bashkisë? Hipokrizi, një grup njerëzish po përdoren për interesa politike

 

Alfred Balla është zgjedhur si kryetari i ri i KLP më 28 mars. Pas përvojës 3-vjeçare si anëtar i Këshillit të Lartë të Prokurorisë, Alfred Balla mori drejtimin e këtij institucioni. Ai u zgjodh me 10 vota pro nga 11 anëtarë të KLP gjithsej.

J.GJ./Shqiptarja.com

TAG:
• alfred balla
• Yuri Kim
• KLP
• reforma ne drejtesi