POP 5

Lajmet më të lexuara të 5 minutave të fundit

Bota

Kisha Katolike kritikon rezolutën e Parlamentit të BE për abortin

Kisha Katolike kritikoi rezolutën e miratuar nga Parlamenti i BE-së për ta konsideruar abortin si të drejtë themelore dhe për ta përfshirë abortin në Kartën e të Drejtave Themelore.

Kisha Katolike kritikon rezolutën e Parlamentit të BE për abortin

Kisha katolike

Kisha Katolike kritikoi rezolutën e miratuar nga Parlamenti i BE-së për ta konsideruar abortin si të drejtë themelore dhe për ta përfshirë abortin në Kartën e të Drejtave Themelore.

Sekretari i Përgjithshëm i Komisionit të Peshkopëve të Bashkimit Evropian, COMECE, Manuel Barrios Prieto, tha në Bruksel, se Parlamenti i BE-së po shkel një territor që është jashtë kompetencave të tij dhe po ndërhyn në çështjet e brendshme të shteteve demokratike.

COMECE, që përfaqëson konferencat e peshkopëve katolikë pranë institucioneve të BE-së paralajmëroi kundër promovimit të "agjendave politike radikale", duke thënë se ato rrezikojnë të drejta themelore si liria e mendimit dhe fesë dhe dëmtojnë kohezionin social.

Kërkesa e Parlamentit Evropian për ta përfshirë abortin në Kartën e të Drejtave Themelore të Bashkimit Evropian mund ta rrezikojë seriozisht reformën e traktateve të BE-së dhe të intensifikojë mosmarrëveshjet midis qytetarëve dhe shteteve anëtare, tha Barrios Pietro.

Sipas fesë katolike jeta e individit duhet të mbrohet që nga ngjizja deri në vdekjen e tij natyrore.

Në Evropë duket një prirje e qartë drejt legalizimit të abortit dhe heqjes së pengesave ligjore dhe politike. Shumë vende evropiane, ndër to edhe vende me popullsi katolike si Irlanda dhe Spanja, i kanë rishikuar ligjet e tyre për abortin, duke hequr masat që e bëjnë abortin të vështirë ose të paligjshëm.

Protestë kundër ashpërsimit të rregullave për abortin në Poloni

Irlanda, ku aborti ndalohej me ligj që prej vitit 1983, e ka rishikuar legjislacionin e saj, pasi në një referendum në vitin 2018, irlandezët votuan me shumicë dërrmuese kundër këtij ndalimi.Nga ana tjetër në Maltë aborti është i ndaluar dhe edhe në Poloni apo Hungari aktualisht po vendosen rregulla shumë strikte dhe barriera për abortin./DW

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

La Liga/ Mbappe shkëlqen me tre gola, Real Madrid fiton kundër Valladolid dhe nis 'arratisjen'

25 Janar, 22:57