POP 5

Lajmet më të lexuara të 5 minutave të fundit

Sport

'Kjo Tiranë do jetë më e mirë se sezonin e kaluar', Halili entuziast pas derbit! Trajneri i Partizanit: U rrëzuan skemat, gabuam të gjithë

Fitorja 0-2 në derbi kundër Partizanit ka shtuar dozën e entuziasmit te Tirana. Presidenti Halili premton se ky ekip do jetë më i mirë se ai i sezonit të kaluar kur u shpallën kampion. Ndërkohë te Partizani trajneri Kolela u shfaq i trishtuar dhe tha se asgjë nuk funksionojë për ekipin e tij në këtë ndeshje.

Një derbi për të mos u harruar ishte ai i të dielës për Tiranën kampione në fuqi, pasi bardheblutë fituan 0-2 kundër Partizanit kryesues edhe pse luajtën për 60 minuta me një lojtar më pak në fushë. Në kampin e 26 herë kampionëve të vendit 3 pikët kanë rritur entuziazmin dhe vetëbesimin në skuadër.

“Ishalla në kampionatin shqiptar do ketë ndeshje të tilla, pasi bukurinë siç u pa ia dhanë tifozët. Unë e kam thënë se kjo skuadër do shënojë më shumë se vitin e kaluar kur u shpallëm kampionë,”-u shpreh Refik Halili, president i Tiranës.

“Mendoj se është një fitore shumë e rëndësishme për faktin se luajtëm me një lojtarë më pak. Ndeshja mori një rrjedhë të çuditshme me humbjen e penalltisë dhe dalja shumë shpejt me karton të kuq. Kjo na goditi nga ana psikologjike, por skuadra meriton një bravo të madhe.”-deklaroi Orges Shehi, trajner i Tiranës.

Ndërkohë te Partizani zhgënjimi dallohej qartë, sidomos te trajneri italian i cili pohon se të gjithë skemat iu rrëzuan.

“Në këtë ndeshje nuk ka funksionuar asgjë. Ss me 10 lojtarë dhe as me 11. e patëm përgatitur ndeshjen në mënyrë tjetër por ishim të brishtë. Nuk është vetëm faji i lojtarëve, por edhe i trajnerit. Nuk e di sa kohë do duhet për të marrë veten nga kjo humbje,”-tha Giovani Colella, trajner i Partizanit.

Kjo ishte ndeshja e gjashtë rradhazi në derbi që Partizani nuk fiton ndaj Tiranës, ndërsa për rrjedhojë në fund ka patur edhe një premio prej 25 milionë lekësh nga presidenca për futbollistët.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57