POP 5

Lajmet më të lexuara të 5 minutave të fundit

Bota

Klani më i fuqishëm mafioz në Katania, policia italiane i sekuestron pasuri me vlerë 12 mln euro

Në një mega-operacion të orëve të fundit policia financiare italiane ka sekuestruar disa objekte dhe pasurin me vlerë 12 milion euro, të cilat I përkisnin klanit Scalisi, I iniciuar nga familja Laudani. Pasuritë u sekuestruan në shtatë provinca të gjashtë rajoneve italiane.

Klani më i fuqishëm mafioz në Katania, policia italiane i sekuestron pasuri me vlerë 12 mln euro

Në një mega-operacion të orëve të fundit policia financiare italiane ka sekuestruar disa objekte dhe pasurin me vlerë 12 milion euro, të cilat i përkisnin klanit Scalisi, I iniciuar nga familja Laudani. Pasuritë u sekuestruan në shtatë provinca të gjashtë rajoneve italiane dhe në Bullgari

Hetimet e mëtejshme kanë bërë të mundur që të rindërtohen plotësisht investimet e të ardhurave të paligjshme të  kreut të klanit Scalisi, të njohur ndryshe edhe si familja mafioze Laudani.

Hetimi, hodhi dritë mbi 'pastrimin' e të ardhurave të paligjshme të bosit historik Giuseppe Scarvaglieri, aktualisht i burgosur dhe aktiviteteve sipërmarrëse të menaxhuara nga nipi i tij, Salvatore Calcagno, dhe nga sipërmarrësit Antonio Siverino dhe djali i tij Francesco. Këta të fundit kanë përdorur emra të ndryshëm për krijimin e ndërmarrjeve të shumta që veprojnë në të gjithë territorin kombëtar.

Masat e sekuestros u janë vendosur aksioneve e personave të përfshirë në krim në ndërmarrje të shumta dhe ndërmarrjeve në sektorin e transportit dhe tregtimin e produkteve të naftës.

Sekuestrimet janë duke u zhvilluar në Catania, Romë, Milano, Novara, Udine, Varese dhe Verona dhe Bullgari. 

Në bazë të të dhënave në mediat italiane janë sekuestruar katër kompani: La Nuova Group Srls dhe Express Srls me seli në Catania; Immobiliare International në Verona; dhe Petrol Group Srl në Cologno Monzese (Mi),  AB Logistica Srls dhe Prima Logisti me qendër në Catania dhe Sive International Ltd në Sofje (Bullgari).

Operacioni, i quajtur 'Follow the money II', është vazhdim i operacionit të Guardia di Finanza të Catania, e cila në 10 shkurt sekuestroi mbi 1.9 milion euro në cash.

/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Sherr masiv në Greqi, një 19-vjeçar shqiptar përfundon në spital i plagosur me kaçavidë

Sherr masiv në Greqi, një 19-vjeçar shqiptar përfundon në spital i plagosur me kaçavidë

24 Janar, 18:30