Klevi Qefalija bën 'me zemër' bardheblutë, Tirana mposht 3-2 Dinamon në derbi

Klevi Qefalija bën 'me zemër' bardheblutë, Tirana mposht 3-2 Dinamon në derbi

Skuadra e Tiranës


Në "Air Albania" Tirana fitoi 3-2 kundër Dinamos jo pa vuajtje. Ish-i i bardhebluve, Klevi Qefalija për pak "ngriu" buzëqeshjen e Tiranës me dopietën që barazoi përkohësisht duelin.

Ndeshja e raundit të 28-të u zhbllokua pas shtatë minutash lojë, me Nikqin që kaloi në epërsi Tiranën. Sërish bardheblutë shënuan me Latifin në minutën e 17-të, teksa u duk se ranë "në gjumë".

Në pjesën e dytë dopieta e Klevi Qefalisë në minutat 70 dhe 76 vendosi ekuilibrat në 2-2, me festën e Dinamos që zgjati pak pasi Jonuzi riktheu epërsinë e Tiranës me golin e tretë në minutën e 79-të.

Tanimë Tirana me 39 pikë mban vendin e pestë, një më pak se Skënderbeu i "Final 4". Dinamo mbetet në kuotën e 36 pikëve në vendin e gjashtë. Derbi mes këtyre skuadrave ishte me raste dhe i denjë për emrat e dy skuadrave që kanë bërë historinë e futbollit shqiptar. Erbim Fagu merr fitoren e parë si trajner i Tiranës në Superligë.


Lajmi kryesor:

Renditja/ Tirana fiton me vuajtje 3-2 ndaj Dinamos në derbi! Kukësi shtang Vllazninë, e mposht 2-0 dhe i prish ëndrrën e kreut


S.DH/Shqiptarja.com
  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Baton Haxhiu gënjeu, në SPAK ishte pyetur për Ilir Metën, në maj deklaroi se kishte shkuar për intervistë

Baton Haxhiu gënjeu, në SPAK ishte pyetur për Ilir Metën, në maj deklaroi se kishte shkuar për intervistë