POP 5

Lajmet më të lexuara të 5 minutave të fundit

Kronikë

KLGJ zgjedh 3 anëtarët e rinj! Kërcënimet e gjyqtarëve alarmojnë ‘Drejtësinë’! Sadushi: Gjyqtarët të mbrohen!

Përfaqësuesit e drejtësisë kërkuan mbrojtje për gjyqtarët që po kërcënohen dhe përballen me presione për shkak të detyrës. Në mbledhjen e gjyqtarëve për votimin e anëtarëve të rinj të KLGJ-së, nënkryetari i Gjykatës së Lartë kërkoi që Këshilli të jetë aktiv në mbështetje të gjyqtarëve për të ruajtur pavarësinë e tyre.

Kërcënimi i dy prokurorëve dhe tre gjyqtarëve të apelit brenda një kohe të shkurtër duket se e ka kthyer vëmendjen tek siguria e zyrtarëve të drejtësisë. Nënkryetari i gjykatës së Lartë, Sokol Sadushi, kishte këtë apel, në mbledhjen e gjyqtarëve për votimin e tre anëtarëve të rinj të KLGJ-së.

"Kërkohet të reagohet në mënyrë koherente ndaj sulmeve të padrejta, të shumta e të vazhdueshme deri edhe në kërcënime që u bëhen gjyqtarëve për shkak të funksionit" tha Sokol Sadushi, nënkryetar i gjykatës së Lartë.

Edhe kandidatët nga gjykatat e shkallës së parë dhe apeli, në platformat e tyre, evidentuan si pikë të rëndësishme mbrojtjen e gjyqtarëve nga sulmet dhe presionet për shkak të detyrës.

Ndërkohë, nënkryetari i gjykatës së lartë, Sokol Sadushi, evidentoi sdisa problematika si sfida të hapura për Këshillin e Lartë Gjyqësor.

"Ka ende gjyqtarë në sistem, të cilët nuk kanë asnjë vlerësim etiko profesional, megjithëse kanë më shumë se një dekadë në detyrë; 40 magjistratët e diplomuar këtë vit janë ende të pa emëruar, ndërkohë që sistemi ka nevojë emergjente për to;  gjykatat kanë vështirësi në administrimin e buxhetit, për shkak të konceptit se çdo shpenzim duhet të miratohet nga Këshilli i Lartë Gjyqësor, ndërkohë që një ndër kolonat e gjyqësorit të pavarur lidhet me vetadministrimin e buxhetit; trupa gjyqësore ndjen shqetësim për cenimin e standardeve të promovimit dhe ngritjes në detyrë mbi bazë merite" tha Sokol Sadushi, nënkryetar i Gjykatës së Lartë.

Kryetarja Naureda Llagami tha se në mandatin e parë KLGJ arriti të ndryshojë botëkuptimin i aktorëve të drejtësisë.

"Sot nuk janë më në llogore, shoqëria civile, avokatia, dhe aktorët e tjerë të sistemit" tha Naureda Llagami, kryetare e KLGj

Emona Muçi, me 133 vota, u zgjodh si anëtare e re në KLGJ, nga gjykatat e Apelit. Nga gjykatat e shkallës së parë në Tiranë u zgjodh Gentiana Mucaj me 114 votas ndërsa kandidat i vetëm nga gjykatat e shkallës së parë në rrethe ishte Markelian Koca.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Dua Lipa shkëlqen në ceremoninë e ndarjes së çmimeve ‘Time 100’

Dua Lipa shkëlqen në ceremoninë e ndarjes së çmimeve ‘Time 100’

27 Prill, 12:33