POP 5

Lajmet më të lexuara të 5 minutave të fundit

Kronikë

KLSH kallëzon 3 zyrtar të ALUIZNI-t
në Fier, shkaktuan 232 mln lekë dëm

Kontrolli i Lartë i Shtetit ka kallëzuar në prokurori ish-drejtorin e Drejtorisë Rajonale të ALUIZNI-t Fier, ish-Përgjegjësin e Sektorit të Legalizim/Urbanizim dhe specialistin e Sektorit të Urbanizimit në Drejtorinë Rajonale të Aluizni-t Fier. Gjatë autotimit për periudhën nga Janar 2013 deri më 30 Mars 2015 kanë kryer një sërë shkeljesh duke i shkaktuar buxhetit të shtetit 232 milionë lek dëm.
KLSH kallëzon 3 zyrtar të ALUIZNI-t<br />në Fier, shkaktuan 232 mln lekë dëm
Kontrolli i Lartë i Shtetit ka kallëzuar në prokurori ish-drejtorin e Drejtorisë Rajonale të ALUIZNI-t Fier, ish-Përgjegjësin e Sektorit të Legalizim/Urbanizim dhe specialistin e Sektorit të Urbanizimit në Drejtorinë Rajonale të Aluizni-t Fier.

Gjatë autotimit për periudhën nga Janar 2013 deri më 30 Mars 2015 kanë kryer një sërë shkeljesh duke i shkaktuar buxhetit të shtetit 232 milionë lek dëm.

G.H., me detyrë ish-Drejtues i këtij institucioni, G.P. me detyrë ish-Përgjegjës i Sektorit të Legalizim/Urbanizim dhe A.DH. me detyrë Specialist në Sektorin e Urbanizimit akuzohen për shpërdorim detyre.

KLSH ka kërkuar nga Drejtori i Përgjithshëm i ALUIZNI Tiranë, fillimin e procedurave administrative e ligjore për dhënien e masës disiplinore:  “Vërejtje deri në Zgjidhje e kontratës së punës” për E.B. me detyrë Drejtor i Drejtorisë Rajonale të ALUZNI-t Fier, R.H. me detyrë Përgjegjës i Sektorit të Legalizim/Urbanizim, A.DH. me detyrë Specialist në Sektorin e Urbanizimit, D.M. dhe H.D. me detyrë specialiste të llogaritjes së faturave.

Shkeljet e konstatuara nga KLSH:

•Në 48 raste, për dëmin ekonomik me vlerë 27,737,580 lekë, shkaktuar si rezultat i mosaplikimit të saktë të tarifave të parcelës ndërtimore nga ku me bono privatizimi vlera 13,868,790 lekë dhe me lekë vlera prej 13,868,790 lekë, me pasoja dëm ekonomik në buxhetin e shtetit për fondin e kompensimit të ish pronarëve.
•Për dëmin ekonomik në vlerën 5,546,559 lekë, penalitete  të shkaktuar nga mos pagesa në kohë e “Sigurimeve shoqërore dhe shëndetësore” të punonjësve të institucionit.

•Në 1319 raste me vlerë 40,249,516 lekë nga ku është konstatuar se  nga poseduesit e ndërtimeve informale të pajisur me leje legalizimi, nuk janë llogaritur dhe paguar detyrimet për taksën e ndikimit në infrastrukturë.

•Në 77 raste janë evidentuar 20061 m2 sipërfaqe parcelë ndërtimore, për të cilat është arkëtuar më pak vlera prej 159,179,921 lekë, si diferencë e pagesës së sipërfaqes së parcelës ndërtimore të paguar me sipërfaqen e parcelës ndërtimore të vëtdeklaruar dhe konstatuar me procesverbal, të cilën poseduesi i ndërtimit informal e administron në fakt.

•Në 5 raste, kualifikimi dhe miratimi lejeve të legalizimit nuk plotësojnë kriteret e ligjit pasi objektet informale nuk kanë ruajtur distancat e lejuar me strukturën e rrugës.
•Në 3 raste, kualifikimi dhe miratimi lejes së legalizimit është bërë në zona me rrezik përmbytje.

•Në 3  raste, kualifikimi dhe miratimi i lejes së legalizimit është bërë në kundërshtim me ligjin, pasi objekti informal është i pozicionuar pranë lumit Gjanica.

•Në 2 raste, kualifikimi dhe miratimi lejes së legalizimit është bërë pranë kanalit ujitës dhe pa dokumentacionin e plotë ligjorë.

•Në 1 rast, kualifikimi dhe miratimi i lejes së legalizimit është në kundërshtim me ligjin, pasi objekti informal është ndërtuar pranë nënstacionit të Naftës.

Redaksia Online
(f.s/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça