POP 5

Lajmet më të lexuara të 5 minutave të fundit

Ekonomi

KLSH: M.Brendshme shkelje me
tenderat, dëmi 225.6 milionë lekë

KLSH audit në Ministrinë e Brendshme për periudhën 1 janar 2011 deri në 31 gusht 2012. Rezulton shkelje me tenderat, të kryera nga Komisioni i Prokurimit Publik dhe veçanërisht nga kryetari i tij. Dëmi i shkaktuar buxhetit të shtetit kap vlerën e 225.6 milionë lekëve.
KLSH: M.Brendshme shkelje me <br />tenderat, dëmi 225.6 milionë lekë
TIRANE - Kontrolli i Lartë i Shtetit konstaton shkelje pas auditit të bërë në Ministrinë e Brendshme. Kontrolli mësohet se është kryer për periudhën 1 janar 2011 deri në 31 gusht 2012. Në përfundim të zbatimit të të gjithë procedurave të përcaktuara, u konstatuan shkelje të ligjit “Për prokurimin publik”, të kryera nga Komisioni i Prokurimit Publik dhe veçanërisht nga kryetari i tij, duke i shkaktuar buxhetit të shtetit dëm ekonomik në total në vlerën 225.6 milionë lekë.

Drejtoria e Përgjithshme e Zhvillimit të Prokurimeve të Përqendruara (DPZHPP) në Ministrinë e Brendshme me cilësinë Autoriteti Kontraktor, në disa procedura prokurimi ka kualifikuar në përputhje me rregullat e prokurimit disa operatorë ekonomik të cilët kanë paraqitur ofertat e tyre në vlera më të vogla se sa operatorët e tjerë pjesëmarrës. Disa operatorë të tjerë pjesëmarrës në tender të interesuar për të dalë fitues, kanë paraqitur ankim administrativ pranë Komisionit të Prokurimit Publik (KPP) për këto procedura.

"Autoritetet Kontraktore, Reparti Ushtarak nr. 1030, Poshnjë dhe Reparti Ushtarak 1001, Zall-Herr, mbi këtë bazë kanë lidhur kontratat me operatorët ankimues (fitues sipas vendimeve të KPP-së), duke i shkaktuar buxhetit të shtetit dëm ekonomik në vlerën 225.6 milionë lekë, respektivisht, 163.8 milionë lekë në procedurën e prokurimit për ”Shërbimin e gatimit dhe shpërndarjes së ushqimit (Katering) për Repartin Ushtarak 1030, Poshnjë’’ dhe 61.8 milionë lekë në procedurën e prokurimit për “Shërbimin e gatimit dhe shpërndarjen e ushqimit për Repartin Ushtarak 1001, Zall-Herr”, bëhet e ditur në njoftimin për shtyp të KLSH-së.

KLSH thotë se Komisioni ka vepruar në kundërshtim me rregullat e prokurimit publik, sepse ka skualifikuar në kundërshtim me rregullat e prokurimit operatorët ekonomik të cilët kanë paraqitur ofertat në vlera më të ulëta. KLSH ka depozituar kallëzim penal pranë Prokurorisë së Rrethit Gjyqësor Tiranë për konsumim të figurës së veprës penale “Shpërdorimi i detyrës”, neni 248 të Kodit Penal të RSH për Kryetarin e Komisionit të Prokurimit Publik, z. E. S. dhe 3 anëtarë të këtij Komisioni.

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

NATO dhe Ukraina takohen lidhur me raketën e re ruse

NATO dhe Ukraina takohen lidhur me raketën e re ruse

26 Nëntor, 08:23