POP 5

Lajmet më të lexuara të 5 minutave të fundit

Kronikë

KLSH padit 2 ish-zyrtarë doganor 
4.7 milionë dollarë dëm shtetit 

Kontrolli i Lartë i Shtetit ka nisur kallëzimin për dy ish-Përgjegjës të Sektorit doganor në Porto-Romano, për 9 shkelje që i kanë kushtuar shtetit 4.7 milionë $. Gjithashtu KLSH ka nisur kallëzim penal edhe ndaj ish-auditueses E.T pasi ka penguar hetimet për karburantet në Porto-Romano, me një dëm ekonomik në vlerë 5,267,789 lekë, që i përket vitit 2011.VIDEO PDF - Njoftimi i plotë i KLSH dhe shkeljet e konstatuara
TIRANE - Kontrolli i Lartë i Shtetit ka nisur kallëzimin për dy ish-Përgjegjës të Sektorit doganor në Porto-Romano, për 9 shkelje që i kanë kushtuar shtetit 4.7 milionë $. 
 
Lajmi bëhet i ditur nga vetë KLSH përmes një njoftimi për shtyp, sipas së cilës, ka nisur kallëzimi penal për personat K.RR. dhe D.K., ish-Përgjegjës të Sektorit në Porto-Romano, të cilët në mospërmbushje të detyrës së tyre funksionale dhe në shkelje të dispozitave ligjore, kanë konsumuar veprën penale të “Shpërdorimit të detyrës”.

Gjithashtu Kontrolli i Lartë i Shtetit ka nisur kallëzim penal edhe ndaj ish-auditueses me inicialet E.T pasi ka penguar hetimet për karburantet në Porto-Romano, çka ka shkaktuar një dëm ekonomik në vlerë 5,267,789 lekë, që i përket vitit 2011.

Sipas KLSH është favorizuar një operator ekonomik, krahasuar me 10 operatorët e tjerë që operojnë në të njëjtën fushë, duke sjellë pabarazi në treg. Po ashtu janë zhdukur dosjet e investigimit për subjektet me qёllim pranimin e çmimit me transaksion, në pёrllogaritjen e vlerёs doganore, veprim i cili ka sjellë të ardhura të munguara në Buxhetin e Shtetit në vlerën 376 milionë lekë. 

Kontrolli i Lartë i Shtetit nënvizon se asnjë kontratë e operatorëve ekonomikë me eksportuesin, si dhe dokumetacioni shoqёrues i praktikave doganore, nuk përmbush elementët ligjorë. Ndërkohë janë konstatuar mangësi  gjatë zhdoganimit të mallrave në Sektorin e Anijeve me efekt financiar negativ në vlerë 11,213,042 lekë.

Po ashtu, sipas njoftimit të dhënë, KLSH ka rekomanduar, 19 masa organizative, 8 masa për shpërblim dëmi në vlerën 478,215,554 lekë, si dhe masa administrative gjobë për 58 subjekte ne vlerë totale 3,950,000 lekë.

PDF - Njoftimi i plotë i KLSH dhe shkeljet e konstatuara

Redaksia Online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lulzim Basha i bashkohet lutjeve për Kryepeshkopin Anastas Janullatos

Lulzim Basha i bashkohet lutjeve për Kryepeshkopin Anastas Janullatos

10 Janar, 21:11