POP 5

Lajmet më të lexuara të 5 minutave të fundit

Kronikë

KLSH: Prokuroria të hetojë 49
zyrtarë të Hipotekës Tiranë 
PDF/Kallëzimi i KLSH për 96 raste

Hipotekat e Tiranës kanë shkelur ligjin për më shumë se 96 raste, ndërsa në përfundim të një auditi Kontrolli i Lartë i Shtetit kërkon ndjekie penale për 8 ish-zyrtarë dhe kreun aktual të hipotekës Tiranë.  VIDEO
Kontrolli i Lartë i Shtetit kallëzon në prokurori 8 ish zyrtarë të hipotekave, ndër ta dhe ish-drejtori Fetah Hasani, ndërsa i kërkon organit të akuzës që të marrë në konsideratë dhe nisjen e hetimeve pasi ka indicie penale për shpërdorim detyre dhe nga kreu aktual i ZRPP Tiranë. Në kallëzimin e depozituar nga Kontrolli i Lartë i Shtetit  për dëmimin ekonomik në vlerën e 200 mijë eurove kërkohet që dhe mbi drejtuesin aktual të Hipotekës Tiranë të mbahet në konsideratë nisja e hetimeve. Nga auditimi ka rezultuar se ish­zyrtarët dhe zyrtarët e hipotekave kanë kryer 8 shkelje përfshirë nga mos arkëtimi i taksës së kalimit të pronësisë nga investitorët deri tek shitja e një prone dhe pse me vendim Gjykate ishte kthyer shtetit. Ndër pronat që këta zyrtarë kanë lejuar hipotekimin ka dhe nga ato që ndodhen në argjirnaturën e lumit lanë thotë KLSH në kallëzimin e depozituar në prokurori.

Kallzimet 
Bazuar në shkeljet e konstatuara dhe të evidentuara në mënyrë më të detajuar në Raportin e Auditimit, KLSH ka depozituar pranë Prokurorisë së Rrethit Tiranë kallëzimin penal (nr. 703/22, datë 20.01.2016) penal për 8 persona, ish-nëpunës të ZVRPP Tiranë (2 ish-Drejtues F.H dhe E.B. dhe 6 ish-përgjegjës zone dhe ish-specialist E.D, B.H, H.Xh, F.B, N.Z. dhe E.Q.) me akuzën e “Shpërdorimit të detyrës” parashikuar nga neni 248 i Kodit penal, si dhe indicie penale (nr. 703/23, datë 20.01.2016) për 11 persona (drejtuesin aktual të ZVRPP Tiranë, 3 ish-Drejtues, 3 jurist dhe 4 përgjegjës zone) për mosndjekje dhe mosevidentim të pajustifikuar të proceseve gjyqësore dhe administratve lidhur me 37 vendimet marrë nga Gjykatat dhe KVVTP. Në total dëmi ekonomik i konstatuar nga auditivi i KLSH-së arrin në rreth 298.52 milion lekë.

96 rastet 
Sipas kallëzimi në total janë 96 raste për të cilat janë gjetur veprime me shkleje ligjore, ndërsa të ndara sipas shkeljeve KLSh ka 8 kallëzime penale, 11 indicie penale dhe 30 kërkessa për shkarkim të punonjësve të hipotekës. Auditi i kontrollit të lartë të shtetit ka nxjerrë në pah se në 5 vite packa kërkesave apo ankesave të qytetarëve vetëm 37 % e tyre kanë arritur të marrin një përgjigje dhe 63 % as nuk janë parë pfare nga zyrtarët e hipotekave duke shkelur në këtë mënyrë ligjin. 

Shkeljet 
KLSH konstaton se është regjistruar objekti i një qendre tregtare pa llogaritur e arkëtuar detyrimin prej 171 milion lekë. Mosllogaritje dhe mosndalimin ndaj disa investitorëve të pallateve të detyrimeve të tyre në lidhje me taksën e kalimit të pronësisë. Po ashtu është lejuar tjetërsimi e shitja e pronës së kthyer “shtet” nga Gjykata. Është hequr kufizimi për pasuri të përfituara në kundërshtim me ligjin të cilat ishin përfituar si “tokë pa fryt” ndërkohë që ndodheshin mbi argjinaturën e lumit “Lanë”. Hequr kufizimi për një sërë pasurish të tjera, pa patur asnjë shkak ligjor dhe pa plotësuar dokumentacionin ligjor të kërkuar. ”Regjistruar një sërë pasurish “ndërtesë”, në mungesë dhe me parregullsi të dokumentacionit duke shtuar në disa raste edhe sipërfaqjen e pasurisë dhe shkaktuar mbivendosje. “Vetëm si pasojë e mosbashkëpunimit me KVVVTP nga 2209 kërkesa të paraqitura i është kthyer përgjigje vetëm për 37% të tyre”, thekson raporti i Kontrollit të Lartë të Shtetit. 
Redaksia Online
(S.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore (VIDEO)

Dëbora në Dibër/ Automjete të shumta bllokohen për afro 2 orë në Qafën e Ulzës, shkak mungesa e zinxhirëve dhe gomave dimërore (VIDEO)

12 Janar, 15:49