POP 5

Lajmet më të lexuara të 5 minutave të fundit

Politikë

Koalicioni PS-LSI, PR: Duam që
KQZ t'na japë përfaqësi në KZAZ

Koalicioni i Lëvizjes Socialiste për Integrim me Partinë Socialiste ka bërë që Partia Republikane të kërkojë anëtarë në Komisionet e nivelit te dytë dhe të tretë përkatësisht në Komisionet zonale të administrimit zgjedhor si dhe ato të qendrave të votimit.(Foto: Arjan Madhi)
TIRANE - Koalicioni i Lëvizjes Socialiste për Integrim me Partinë Socialiste ka bërë që Partia Republikane të kërkojë anëtarë në Komisionet e nivelit te dytë dhe të tretë përkatësisht në Komisionet zonale të administrimit zgjedhor si dhe ato të qendrave të votimit.

Sekretari i përgjithshëm i Partisë Republikane, Arjan Madhi në një intervistë për televizionin A1 REPORT! ka shpjeguar se në letrën kërkesën e dërguar në Komisionin Qendror të Zgjedhjeve para pak ditësh është kërkuar që KQZ të bëjë zëvendësimin e komsionerëve të propozuar nga partia e Metës, me ata të PR-së.


letra e pr per komisionere kzqz qendra votimi


“Filozofia, parimi mbi të cilin mbështetet përbërja e këtyre Komisioneve, është baraspeshimi politik dhe në momentin që është ndryshuar tashmë përbërja e partive të mazhorancës sigurisht duhet bërë dhe ndërhyrja për të siguruar baraspeshën politike. E theksoj faktin sepse kjo është vetë një filozofi mbi të cilën është ndërtuar vetë Kodi Zgjedhor i cili sigurisht ka domosdoshmëri respektimin e besimit reciprok të palëve dhe nuk do të kishte kuptim që të kishte siguruar një besim reciprok nëse do të ishin prishur balancat politike.


jona arjan madhi
*Foto: Arjan Madhi

Sa më shpejt të veprojë KQZ aq më shpejtë ne do të kemi ata komisionerë në KZAZ të cilët kanë atributet legjitime për të vepruar si të tillë”, -u shpreh Arjan Madhi, sekretar i përgjithshëm i PR-së.

Ndërsa Sekretari i Përgjithshëm për Çështjet Zgjedhore në LSI, Ylli Manjani, është shprehur se nuk do të bllokojë një vendimmarrje të tillë për në KQZ, ndërsa u shpreh se është ende herët pasi nuk janë regjistruar koalicionet.

“Kjo është një çështje që i takon KQZ për ta trajtuar, Kjo çështje duhet të trajtohet kur të lindë fakti juridik, dhe fakti juridik lind pas datës 23 prill kur regjistrohen koalicionit në KQZ, aty mund të ketë një fakt juridik. Më tej nëse koalicionet e reja do të bien disi ndesh me përcaktimin aktual të komisioneve të niveleve të dyta dhe më poshtë atëherë sigurisht do t’i takojë KQZ-së të marrë një vendim. Sa i takon LSI ne s’kemi asnjë problem në këtë çështje, sepse cilado qoftë formula LSI-ja ka komisionerin e vet”, -u shpreh Manjani.


jona ylli manjani
*Foto: Ylli Manjani

Sekretari i Përgjithshëm për Çështjet Zgjedhore, Ylli Manjani është shprehur kundër edhe për lëvizjet që po behën në administratën.

Sipas tij, qeveria Berisha po largon në mënyrë masive nëpunësit e administratës qe nga momenti që kaloi në opozitë. Sipas Manjanit, kjo bie ndesh me ligjin .

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

VIDEO/ Si askush tjetër, Cristiano Ronaldo shënon gol për të 24-tin vit radhazi

VIDEO/ Si askush tjetër, Cristiano Ronaldo shënon gol për të 24-tin vit radhazi

10 Janar, 14:04