Kodheli në Zall-Herr: Standardet më të larta të stërvitjes së FA

Ministrja e Mbrojtjes, Mimi Kodheli mori pjesë dje në Ditën e Hapur që u organizua në prag të Vitit të Ri në Batalionin Komando të Forcës Tokësore, në Zall-Herr. “Jam e kënaqur që marr pjesë në Ditën e Hapur të Batalionit Komando, së bashku me lidershipin e FA, ushtarakët, familjarët e ushtarakëve dhe të ftuarit, aq më tepër pas këtij demonstrimi që na sjell ndër mend sa shumë djersë e mund është derdhur në rajonin stërvitor të Zall Herrit, ku janë arritur standardet më të larta të stërvitjes së FA”, u shpreh Kodheli.