POP 5

Lajmet më të lexuara të 5 minutave të fundit

Media

Kodi Zgjedhor, ndalohen
reklamat qeveritare në fushatë

As qeveria, as ministritë e as pushteti vendor nuk mund të publikojnë reklama me përmbajtje politike, përveç informacioneve të procesit zgjedhor. Reklamat politike, që nuk identifikojnë qartë porositësin, ndalohen të transmetohen.
TIRANE- Komisioni i Reformës Zgjedhore ndryshon një tjetër kapitull të Kodit, rregullat e reja për fushatën zgjedhore dhe transmetimit të saj në media. Këto rregulla, ndalojnë tashmë edhe në Kod, transmetimin në kohë fushate të reklamave të institucioneve publike. Pra as qeveria, as ministritë e as pushteti vendor nuk mund të publikojnë reklama me përmbajtje politike, përveç informacioneve të procesit zgjedhor. Reklamat politike, që nuk identifikojnë qartë porositësin, ndalohen të transmetohen.

Kohëzgjatja e mbledhjeve të qeverisë apo aktiviteteve të tjera qeveritare, kur propagandojnë programin e partisë së Krymenistrit, i faturohet minutazhit të vënë në dispozicion të kësaj partie. "Koha e pasqyrimit të veprimtarive qeveritare, që lidhen me fushatën zgjedhore, përfshihet në kohën e partisë së cilës i përket titullari i institucionit që zhvillon veprimtarinë. Do të konsiderohet veprimtari qeveritare: aktivitetet publike që pasqyrojnë ose promovojnë politika të institucionit, investimet, inagurimet e veprave apo pasqyrim i punës. Të tilla konsiderohen dhe mesazhet me natyrë politike dhe që përputhen apo afrohen në politikën apo programin e subjektit politik të titullarit", thuhet në ndryshimin e ri në Kodin Zgjedhor.

Në rast se, partitë i sjellin vetë pamjet e fushatave të tyre për edicionet informative, kjo gjë duhet specifikuar nga transmetuesi. Kodi sanksionon dhe një limit kohor për transmetimin e reklamave politike, i cili nuk duhet të kalojë 90 minuta për çdo subjekt politik, gjatë gjithë fushatës. Një kërkesë e tillë për ta ndryshuar në Kodin Zgjedhor çështjen e reklamave, është bërë në kushtet kur opozita në të gjitha këto zgjedhjet e fundit ka akuzuar mazhorancën e djathtë se ka shfrytëzuar të gjitha mundësitë e mundshme, madje dhe jashtë ligjit për të grumbulluar buxhetin dhe për ta shpenzuar në vitin elektoral, përmes inagurimeve, fillimit të punëve në rrugë, e të lëna përgjysmë.

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Kushtet atmosferike, shtyhen dy ndeshjet e Kategorisë së Parë! Agjenda e javës së 19-të

Kushtet atmosferike, shtyhen dy ndeshjet e Kategorisë së Parë! Agjenda e javës së 19-të

16 Janar, 14:53